U cameydan fayış casyo b’Mawsal

U qlimo d’Kurdistan du Iraq hani zabno sxırle a’thumayde dcama mdinotho hrene du athro, bu taro da tedbire dımbaynile bnişo dmınfıq mqabıl du kewo du virus d’Corona. Callathe, ba casrowat d’falohe mu camaydan dcasın bi mditho d’Mawsal, tlıblın mu qlimo d’Kurdistan d’obelın fsoso laşan dloqın ayaqrothaththe.

İ mdabronutho yothoyto du garbiyo udu madınho d’Suriya bu buyono dıfrısla lu ray gawonoyo dıbritho, grışla u zuhoro cali bsirutho da mkone momunoye di mdabronutho mqabıl di kmoyutho di sniqutho dkito, dilonoyith da fenyotho du garbiyo udu madınho d’Suriya kbişi mi marıhbonutho, shifi a’benyone tahtoye di methtaksonuthayda du hulmono, u manıhbi u mahırwi a’qentrune du hulmono wa botaykrihe.

Callathe, u buyono tlıble mu koalisyon emwothoyo, m’Emwotho Mhaydotho, mu tukoso tibeloyo du hulmono uma tukose emwothoye dımqadmi a’mcadrınwotho dıklızmi li mdabronutho yothoyto du garbiyo udu madınho d’Suriya, bnişo dmitahwe mrodo mqabıl du bırbozo du virus d’Corona, bu zabno dkito menyono celoyo d’galwoye ba maşıryotho dilonoyith i maşritho d’Alhol wi casqutho da şartat noşoye dıkcayşila b’gawıd da maşıryothani.

Camgabıdathe, i mdabronutho yothoyto du garbiyo udu madınho d’Suriya mawraxla u zabno du mnoco du nfoqo cboro l’15 yawme hrene dkımşarın adyawma hul 21 bu yarhano.

M’gabo hreno, u macımlo du hyoto dkıtyo cayıd du makıthbo di athto bi mditho dı Derik, kımnase dımamın i sniqutho dkıtla i fnitho la maskat dzayıd u talabaththe ğalabe bu zabno dımbarbız u virus d’Corona bı britho.

U macımlano dıkfolıh ebe şeth neşe l’zabno d’şeth şoce kul yawmo, ksonoc 500 maskat kul yawmo, ubu şıklano u macımlo du hyoto dı Derik kımamın i sniqutho dkıtla i fnitho la maskatani.