U Cıraq dacırle 6 falqe d’athare bethnahrinoye me Turkiya

ANKARA – U Cıraq dhani zabno kobe yasifutho leşan u tedciro da atharayde a catiqe dgniwi u dımqafın bıthır bğer athrawotho frişe dbritho, dacırle ucdo’ste 6 falqe d’luhe catiqe kthiwe bi kthawto da basmore. A 6 luhani dmadcıri ucdo, kducri li mdinoyutho d’Bethnahrin-lu zabno d’Ur, Akkad u Bobel.

Bu zawho ruşmoyo dsim bi bethcatiqotho dkıtyo b’Ankara, mıstaqbele u rişizgado Cıraqoyo Majid al Laxmawi an atharani a catiqe mu tahlufo du waziro di mardutho udu turizm d’Turkiya Gökhan Yazgı. A kthawyotho da luhani, kımahkın cal fulhone momunoye, tawdithoye udu şıkıl di mdabronutho dkıtwo ba mamlaxyothani.

U rişizgado Cıraqoyo al Laxmawi dımqadamle a tahınyothayde l’Turkiya mırle; A luhyothani kım’athli sahmo mi yortutho di mdinoyutho catiqto d’Bethnahrin u warathe du dawro dkıtle u athraydan bu makthabzabno di noşutho’yo-dilonoyith bu haqlo du xloqo di kthawto.

U tahlufo du waziro Turkoyo’ste bu mamlayde kali cala fire di methcadronutho dkito beynothaye ucali ulsoyutho dmitabqi a qonune Emwothoye dcalu hefodo di yortutho catiqto du Cıraq ubu snodo da fulhone diplomatiqoye dıkmaşe leşan u tedciro da atharayde dımvayci u dgniwi ba dore haroyani.