U gabo da Mşihoye Demoqratoye bu Swed kobıc makle u yulfono du leşono emhoyo

U gabo da Mşihoye Demoqratoye bu Swed, kobıc dmaqım u yulfono du leşono Emhoyo ba madraşyotho du athro.

 U renyano d’KD, mid adyawma lu droşo bu knuşyo dımtayable u gabo.

Lfuth u tebo dfrısle u frosqolo du Swed Ekot, u gabo da Mşihoye Demoqratoye bu Swed, kobıc dmitaqım u yulfono du leşono Emhoyo ba madraşyotho du athro kulle. U renyanoste, mid adyawma lu yawmoyo du knuşyo dımtayable u gabo.

Bi hzayto dkıtle u gabo d’KD, a buhone dsimi cali sbuthathe lıkmakdi du yulfonano du leşono Emhoyo mawthronoyo lu yolufo, u calathe klozım du şwolano dmimıd li ido me hatho.

U notarozo du gabo Peter Kullgren mırle lu frosqolo du athro; Lfuth i hzaytaydan, kito şişaltho d’bsirwotho bu yulfono du leşono Emhoyo u hol 40 ba mo da malfone, late yulfono u sohdwotho du tewlifo. Mınyono celoyo ma madraşyothoste lo maqbıli ruşmoyith mi daira du yulfono da madraşyotho.

Lfuth a Mşihoye Demoqratoye, u milyar krone dkimkalıf u yulfono du leşono Emhoyo, klozım dmitıstacmıl lğer yulfono du leşono dilonoyith lu yulfono du leşono Swedoyo leşan a galwoye u lğer dkıte sniqutho lu yulfono du leşono Swedoyo.