U gabo di DEM rfıdle i qroyto dsımle u rişono d’gabo dkıtyo noqufo lu rişqutno Erdoğan

ANKARA — U gabo d’DEM frısle athmıl maqırhonutho mqabıl du mamlo dsımle u rişono du gabo-d’Büyük Birlik Partisi, BBP Mustafa Destiçi-dkıtyo gabo qariwo l’AKP du rişqutno Erdoğan. Bu mamlano Destiçi thımle u gabo d’DEM bi asirutho dcamu gerilla di PKK u sımle qroyto, dıklozım u gabano dmışre. Calu mamlano’ste DEM baroyo krıhla a thomani u rfıdla u talab du rişono d’BBP u mawdacla dlatla niye dmaklın a fulhonathe.

İ qroytathe d’Destiçi dsimo bu zabnano du maşıqlo da droşe du şlomo b’Turkiya, kıgurşo u zuhoro. Bi qroytathe’ste, tlıbwo me ğer gabe Kurdoye hrene’ste dmışrın. Bu funoyo dhuwla DEM L’BBP mırla; U gabaydan-u ışmo du ağono dıkmitahwe leşan i şayutho, i hirutho, i demoqratoyutho, i kinutho ulu şlomo da came kulle’yo. Hano’yo u sebyono du snodo dba milyone dıbnaynoşo lu gabo d’DEM.

DEM mırla’ste; U gabano latyo luho dkibox aydarbo dhawi dlohıt u mede dkito acla-hano gabo dgıfoyış u dgımdawım a fulhonayde’yo u dhuwle timo rabo bıgawe du ağonayde. U nişo wi klayto d’DEM qrohto’yo-dbonina şlomo u demoqratoyutho l’86 milyone dıbnaynoşo’yo. Ahna lıgmıgroşina wu halxaydan’ste yarixo’yo b’fusqono kamilo’yo. U rişqutno Erdoğan sımwole mamlo yawme d’Tre dşaficina.

Ubu mamlayde mdacewole dkıtne b’fusqono kamilo ba droşani du şlomo u dbonın athro hiro dlo marhıbonutho. Elo i PKK’ste mawdacla dlatla ucdo niye dımhalqo dawse hreto du teslimo du zayno du gerillayda, hol di şultonutho d’Ankara dlo mşaryo bu maşıqlo du şuhlofo da reforme uda qonune du nomuso du athro.

Kamuoyunu yanıltmak ve toplumsal algıyı çarpıtmak isteyenlere hatırlatma:

DEM Parti; halkların eşitlik, özgürlük, demokrasi, adalet ve barış mücadelesinin adıdır. Milyonların iradesidir. Bir tabela değildir, geçici hiç değildir. Büyük bedeller ödeyerek ve kesintisiz bir… pic.twitter.com/7OUzgfZ2Xg

— DEM Parti (@DEMGenelMerkezi) July 22, 2025