U gabo di Şawyutho udi Demoqratoyutho-DEM, sımle qroyto li şultonutho d’Turkiya dımhalqo dawsat qrihe leşan u maşıqlo da droşe du şlomo

ANKARA – İ rişonitho zawgoyto du gabo d’DEM Tülay Hatimoğulları, bıthır mi qroyto du rişono Kurdoyo Abdullah Öcalan, sımla qroyto li şultonutho d’Ankara dmihalqo dawsat qrithe leşan u maşıqlo du şlomo u mırla; A mele lhudaye, latne makfıyone-klozım’ste camlo. Ba memlani griş u zuhoro cali ulsoyutho du sebyono folitiqoyo leşan u şroyo du şwolo da Kurdoye.

U mamlano d’Hatimoğulları dsim athmıl bu yawmo da Neşe du gabo d’DEM, sımla qroyto lu rişqutno Turkoyo dımdaxıl lu maşıqlano u dmoyıd i sbuthathe jıddi li ido bnişo dmitarkıw u şlomo bu athro. İ rişonitho zawgoyto d’DEM mırla; Leşan u şlomo drokıw bu athro, a mele lhudaye latne ulsoye u calathe klozım dmıcwıd u dmitarkıw u şlomo b’Turkiya.

Hatımoğulları mırla; Xıd Öcalan mawdacle, u kod asasi leşan maşıqlo hatho-u ağono leşan i demoqratoyutho’yo wa neşe’ste haylo mbaynono du qawmano’ne. Öcalan ftıhle a tarce l’maşıqlo folitiqoyo hathto b’Turkiya ubu Madınho Mescoyo wi qroytayde qwitho’yo leşan drokıw şlomo aminoyo-wi qroytathe latwa belhude la Kurdoye elo li şultonuthoyo’ste.

Me gabo hreno Mustafa Karasu sımle athmıl mamlo cal ışme di KCK calu maşıqlo folitiqoyo hatho.

Karasou m’akadle, di PKK bıdela b’maşıqlo du şuhlofo me haylo d’ağono folhoyo l’haylo d’ağono folitiqoyo bıgawe d’Turkiya. Leşan u şuhlofano dkomıl’ste, klozım u rişono Öcalan d’hothamle. Karasu mırle; Noşo tro lowele keşlo, ahna gıdsaymina u şuhlofano elo i şultonutho’ste klozım dımhaqlo a dawsat dıklozım leşan u terkiwo di demoqratoyutho dlo ixlale. U rişonaydan, klozım’ste dmıştawtıf li kongre du şuhlofo du gerilla di PKK l’ağono d’gabo folitiqoyo. Bıthır mi egarto d’Öcalan, u rişqutno Turkoyo Erdoğan mawdacwole dkıtne hadire dmabdın u dialog.