26/05/2021

U gabo du dactid d’Suriya mawdacle dlıgıdmıştawtıf la guboye di rişqutnutho du rejim

İ mşatasto d’Suriya da zedqe noşoye mawdacla da guboye du rejim qaşmarane, ukmaqşın i fliğutho d’Suriya, cal dbalhude kmisomi b’gawıd d’whado du yurwayde 30% ma n’arcotho d’Suriya.

Camgabıdathe, u gabo du dactid d’Suriya mawdacle dlıgıdmıştawtıf la guboye di rişqutnutho du rejim, u makadle ste da guboyani latne falqo mu maşıqlo folitiqoyo hatho d’Suriya.

 U mdabrono di mşatasto d’Suriya da zedqe noşoye Rami Cabdılrahman, bi maqırhonutho dhule li dafo d’PUKmedia mawdacle da guboye du rejim d’Suriya guboye di qaşmarane, u mırle “a’guboyani lıkmıhşowi guboye cal dbalhude b’wahdo d’30% ma n’arcotho d’Suriya kmisomi, u cılmıdu rejim kıtle morutho cal 62% ma n’arcotho d’Suriya, elo i sagiyutho da fenyothani mathıbrone dlayto ebaye qentrune da guboye, u şariroyith a’fenyothani latne masre cami şultonutho du rejim cal dkıtne ftihe ma gbine kulle”. Bebzabno, Cabdılrahman makadle da guboye du rejim kmaqşın i fliğutho dkito b’Suriya.

M’gabo hreno, u gabo du dactid d’Suriya bu buyono dıfrısle lu ray gawonoyo dıbritho, mawdacle cılmıd di casqutho dıkcaşla u camo d’Suriya mi dhılmiye, ma rdufye, mi golutho umi fıqriye elo u rejim dı Darımsuq ba guboyani dıksoyım kmadıl du nişayde dlımımte l’şroyo folitiqoyo kamilo yo bi sbutho du kriz d’Suriya, u makadle ste dlıgıdmıştawtıf lawxa guboye, u krofıd i netiçaththe cal dlatne falqo mu maşıqlo folitiqoyo dımbayın lfuth Emwotho Mhaydotho wu Mawtbo di Mşaynutho.

Bebzabno, u gabo du dactid d’Suriya makadle da guboyani macıjzonene lu camo d’Suriya ulu kenşo emwothoyo, ulıghowelın duktho ba platforme emwothoye u gawoye ulıgıdımqdmi ste mede lu şroyo folitiqoyo, elo balhude gıdmaciqi u kriz du athro u gıdmaqşın iloşalyuhto dkito b’Suriya.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…