27/05/2025

U gelyonoro Suryoyo Nuri Kino mdaşın u şukono d’Kavian di şato da 2025

U gelyunoro wu hfito bu haqlo da fulhone noşoye Nuri Kino, mdaşın u şukono d’Kavian di şato da 2025, cala fulhone dmaşele u şutosayde d’ADFA eşne yarixe la bnaynoşo dkıtne sniqoye. B’zawho dilonoyo dgımisım bu parlamento du Swed 10 bu yarho dıbqamuthayna, gıdmitaslım u şukonano l’Nuri Kino.

27/05/2025

STOCKHOLM – U şukonano d’Kavian ma 2012 kmitahwe kull şato l’farsufe u şutose dıkfulhi dlo enonoyutho leşan dmıxlıq britho tawto. A farsufe dıkmidaşni u şukonano, kıfulhi lu şlomo, lu şbuqyo, lu snodo du camo faqiro, lu şuşoto di mardutho, lu hefodo du mahduro uğer. Adşato’ste, mdaşın u şukonano lha Suryoyo bu Swed.

U gelyunoro hiro Nuri Kino, hze layıq lu şukono d’Kavian da 2025, cala fulhone noşoye dmaşele u şutosayde A Demand For Action. U şukonano, gıdmitahwe l’Nuri Kino cala fulhone’ste dsımle xıd gelyunoro, b’zawho dgımitayıb 10 bu yarho d’Hziron bu parlamento du Swed.  

Beyn da mtaybone du zawhano kito’ste u folitiqoro du camaydan mu gabo da Mşihoye Yusuf Aydin wu şukono, gıdmitaslım camu waziro du kenşo Jakob Forssmed. Calu şukonano dfris bu tbocofroso qlimoyo, Nuri Kino mqadamle a tahınyotho ubi dafayde du nawlo mırle; Bi qamayto tawdiyotho lebonoye la falohe du şutoso kulle dhani 11 eşne kıfulhina leşan dxulqina haye towe b’britho. 

Nuri Kino mırle’ste; U mede ulsoyo dkulle, dnuçhina bu fulhonaydan’yo, dmaxlısina a haye yaste bu noquso, dımşahlıfina a haye d’noşo’yo. Kımqadamno a tahınyothaydi calu şukonano u myaqro dhiw elayana dgriş u zuhoro calu fulhone dıkmaşena. A fulhonaydan, dgımdawım leşan a came sniqoye.