U Hudro di esfirreğlo d’FC Turabdin-Babylon b’Polheim d’Giessen, qmırle a muroye du ğrob da gude di marcitho d’Hessen

POHLHEIM-GİESSEN, Almanya – U Hudro d’FC Turabdin-Babylon b’Polheim d’Giessen d’Almanya, kobe ulsoyutho la droşe ula muroye da gudayde kulle, bnişo dmişawşıti u dmitaqwın zıttır u dmotın l’darğe celoye. Bu dumyano kibe u Hudro mawdıc ruhe la gude hrene d’Almanya, dgorış u zuhoro calu camaydan u dmaşmıci qole wu dmıftıh gade lu teqwiyo du momuno du hudrayde.

İ gudo d’FC Turabdin-Babylon i gudo ihidoyto du camaydan bu ğrobano u 2’no dıkmişakıl me gude d’18 hudre frişe di marcitho d’Hessen. Ba muroye dmıştacela i gudo du camaydan mu yarho d’Ob da 2024 uholu yarhano d’İyor di şatathe mqabıl da gudoye hrene, malımla i gudo 71 fuhome. Bu dumyano, saliqo i gudo baroyo lu darğo qamoyo du ligayda u bıthır mucdo, gıdmdawmo a muroyayda bu lig qamoyo d’Hessen.

Bıthır mi zoğuthathe a mıştacyone di gudo wa sanodayda kulle fsihi camhıdode u mcayadlın d’saliqi darğo hreno. Bu mamlo dhawilan camu rişono du Hudro Aziz Kartal m’akadle cali kaşirutho rabtho da mıştacyone di gudathe u mqadamle tahınyotho la madırşone, la mıştacyone calu tacbo dhuwlın ubebzabno, mhanele’ste u snodo maddi u macnawi da noqufe udu camo dıkhodır u dımcaqıb a muroye di gudathe.