U Huyodo Caraboyo krıhle a mudaxalat dıkseymo Turkiya

U Huyodo Caraboyo krıhle a mudaxalat dıksaymo Turkiya ba sebwotho gawoye da athrawotho Caraboye, u tlıble m’Ankara dgurşo a haylawothayda me Suriya, mu Iraq u me Libya.

 Camgabıdathe u Huyodo Caraboyo, rfıdle u talab d’Fleşt dmıkrıh u qyomo du şlomo dımde beyn da İmarat Caraboye Mhayde udu athro d’İsroyel.

 Bi rişonutho d’Mısır, sim athmıl knuşyo bi sictho caraboyto da wazire dıkmcaqbo a mudaxalat d’Turkiya ba sebwotho gawoye dan athrawotho Caraboye knuşyo. A wazire Caraboye bu buyono dıfrıslın bu huthomo du knuşyano, krıhlın kul şıkıl d’mudaxala bceldboboyto dıksaymo Turkiya ba sebwotho gawoye dan athrawotho Caraboye, u dilonoyith bu Iraq, b’Suriya u b’Libya.

A wazire bu buyonathe mawdaclınste di mudaxala Turkoyto dyoşo raboyo du qonuno Emwothoyo u la fusqone du Mawtbo di Mşaynutho d’Emwotho Mhaydotho. Bebzabno, a wazire makadlın di ithutho folhoyto Turkoyto ban athrawotho Caraboye latyo ruşmoyto, u klozım Turkiya dılo şartat dgurşo a haylayda dilonoyith me Libya, mu Iraq u me Suriya.

Camgabıdathe, u waziro di baroyutho d’Mısır Sameh Şukri bu mamlo dsımle bu knuşyano, makadle cali sniqutho dkito ucdo dmitaşe siyase Caraboyto mhayato u qşitho mqabıl d’Turkiya, u tlıble dhowe zıttır zdirutho beyn dan athrawotho Caraboye.

Mxasra hreto, mabuce mi şultonutho d’Fleşt mahkelın dmaklıyo i rmoyto dımqadmole u waziro di baroyutho d’Fleşt Riyad Almalaki u dıktulbo dmıkrıh u qyomo du şlomo dımde beyn da İmarat u İsroyel. Bu knuşyano du Huyodo Caraboyo, anathrawotho da İmarat, Mısır u Bahren rfıdlın u talab d’Almalaki u mnıclın dmisım droşo cali rmoytayde.

Me gabo hreno, u notarrozo gawonoyo du Huyodo Caraboyo bu mamlo dsımle bu knuşyano da wazire mawdacle, da esore baroye zedqo masroyo bi morutho da athrawotho, awkith aqyome du şlomo dcam İsroyel sbutho gawoyto da athrawotho Caraboyeyo.