U Huyodo da Neşe d’Bethnahrin gidmitayib konferans b’Swisra
Bu ışmo ‘İqoro la zedqe da neşe u klayto mqabıl dkull şıkıl d’rdufye’ gıdmisım bu yarhano u lumodo trayono da neşe b’Swisra. U Huyodo da Neşe d’Bethnahrin dgısoyım baytoyutho lu lumodano, gıdhodarle şutose frişe da neşe leşan dmıdroşi a qetre u şwole dıkcayşo i athto.
Bu taro da fulhone dıkmaşe u Huyodo da Neşe d’Bethnahrin b’Urifi, gıdmtayıb cal qariwo lumodo hrene cali aykanoyutho di athto bıgawe du kenşo. Bi fnitho d’Contone d’Swisra, gıdmitayıb 14 bu yarhano d’İyor u lumodo trayono dcali sbutho di athto. U lumodano dgısoyım HNB i baytoyuthayde, gıdmşare bi şoctho da 18.00 d’casriye u gıdhodarle 3 şutose frişe da neşe b’Swisra-camgabe d’HNB, dıkfulhi leşan i şawyutho wi mlahmonutho da neşe bıgawe du kenşo.
Bi tahrazto du lumodano u trayono dkıtyo adşato u sloganayde; ‘İqoro la zedqe da neşe u klayto mqabıl dkull şıkıl d’rdufye, gıdsaymo Hana Hobıl mamlo cal ışme du Huyodo da Neşe d’Bethnahrin-cali athto Suryoyto, calu camaydan, cala neşe u came du Madınho Mescoyo ubi harayto’ste cala fulhone dıkmaşe HNB.
HNB sımla qroyto la neşe u gawonoyith lu camaydan d’Swisra u dilonoyith du kanton d’Ticcino, dhodır acmaye bu lumodano dgımisım 14 bu yarhano dkıtyo yawme d’Şabtho, bi şoctho da 18.00 b’Contone leşan dmıdroşi a şwole u qetre da neşe. U lumodo qamoyo da neşe dsımwo bu inisyatif d’HNB, sımwo meqım 7 eşne u klewo cala qetre du ğenso uğer sebwotho. Bıthır mu lumodano’ste, sımwo HNB ruşmoyo bi arişkoyto d’Swisra Bern.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
