A citotho du camydan mahwın hfuxyo mqabil da gunhe bu Swed
A citotho Suryoyotho d’Södertelje du Swed, camu hudro Othuroyo wu hudro Suryoyo mıttafaqlın, dmahwın hfuxyo mqabıl da qatle dkowın bu athro ba zabne haroyani. Bi maqıblonutho dsimo cam Basim Aho, u rişono du mawtbo di cito d’Mor Yahkub Nsibino’yo u cam Jack Maqsimurad mawdaclın, dhınne xıd şutose gıdmanıhri u kenşo cala hawbe dıkmisomi.
Hani zabno yarixo kowe hçome, qatle u mhoye da zayne b’mdinotho mşahılfotho du Swed. Beyn da qatle uda mhoyani hın ma abne du cameydan’ste qtili.
Bi sbuthathe-lfuth u tbocofroso qlimoyo d’Södertelje, a citotho Suryoyotho du cameydan d’Södertelje cama hudre Suryoye u Othuroye matın l’awyutho dfulhi camhıdode, leşan dmanhıri u camo cala qatle ucala hawbe dkowın bu kenşo gawonoyith, u dilonoyith bi mdito d’Södertelje.
Bi mawdconutho dhulın a mşale da şutose d’Södertelje mawdaclın, bi awyuthathe dsımo gıdhowelın mcadronutho cama mşale di karxutho da powelıs u ğer şutose, dkolın qum da qatle uda hawbe hrene dıkzaydi bu kenşo. İ awyuthathe tawto’yo dımdawmo la hfitwotho dıkmaşe u cameydan’ste xıdi sbutho du Sayfo u ğer.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
