U Huyodo da Neşe d’Bethnahrin mtayable maşritho da neşe b’Swisra
Bıthır mi maşritho du Swed, u Huyodo da Neşe d’Bethnahrin, mtayable maşritho hreto du yulfono la neşe du camaydan bu athro d’Swisra. I maşrithathe dsimo calu makthabzabno du camaydan udi athto, mşarewola 12 bu yarhano u adyawma hthimo bıthır droşe u workshop dsimi beyn da neşe hadire.
SWISRA — Sim maşritho calu makthabzabno du cameydan, u cali sbutho di athto du camaydan u gawonoyith b’britho bu athro d’Swissra. I maşrithathe mşarewola 12 bu yarhano d’Ob u hthimo adyawma 17 bu yarho bıthır mu yulfono dhiw ma hadımyotho u mşalonyotho du Huyodo da Neşe d’Bethnahrin.
Lfuth i mawdconutho dmatilan cali maşrithathe, bıthır me kull droşo-sim’ste workshop workshobe u malimi a renye wa hzayotho da neşe dhadiri ubu dumyano, mid netiçe tawto mu yulfonano dhiw. Bebzabno kle cala casqotho dkıtwo bu makthabzabno wu adyawma a şwole dıkcoyış u camo wa neşe-dilonoyith ban athrawotho d’Urifi.
Me gabo hreno kle cala şuşote folitiqoye dkowın ba falqe du athreydan u dawro di athto du cameydan ba şuşotani. Li maşrithathe mıştawtaflın hedor 20 neşe dathin me Almanya u dkıtne ma citotho du camaydan-mi cito Othuroyto, Kaldoyto, Suryoyto, Malkoyto u Marunoyto wu neşe du camaydan mu Cıraq, Suriya, Turabdin dıkhoyın ucdo b’Almanya.
Bi socurutho dsimo li dayro d’Neustadt’ste, a hadire mıştawtaflın li slutho Marunoyto dımtaybo bu yawmo du şunoyo d’Yuldath Aloho dıknofıl 15 bu yarhano. Bi harayto di maşrithathe d’HNB, a neşe daciri la dukothathe u mawdaclın i fsihuthathe lu zabno ulsoyo dmaşfaclın camhıdode b’Swisra.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
