U Huyodo d’Urifi rfıdle i tahrazto du şlomo d’Trump

U Huyodo d’Urifi, rfıdle u plan dımbayanle u rişono Amerikoyo Donald Trump leşan u şlomo du Madınho Mescoyo.

 Bi maqırhonutho dhuwle u mşalo da esore baroye du Huyodo d’Urifi Josep Borell mawdacle u ğamo dıktucni calu plan du kboşo d’İsroyel calan arcotho da Fleştoye u m’akadle, du huyodo masroyo bi tahrazto dhowe tre athrawotho şarye.

Bi maqırhonutho dfriso athmıl me Bruksel, u Huyodo d’Urifi rfıdle i tahrazto dımqadamle u rişono Amerikoyo leşan u terkiwo du şlomo bu Madınho Mescoyo u mawdacle u ğamayde, calu plan du kboşo d’İsroyel calan arcotho da Fleştoye.

Bi tahraztathe d’Amerika dmawdıcowa meqım şabtho, kıtwo terkiwo d’athro Fleştoyo elo, Dıffa i Macırboyto gıdnuflowa lidothe d’İsroyel. u plan d’Trump, bı fsihutho mıstaqbalwo mu rişwazire d’İsroyel Benyamen Netanyahu, elo u rişono da Fleştoye Mahmud Abbas baroyo rfıdwole. Bebzabno anathrawotho du Xaliç’ste lo maqbelın i tahraztathe d’Woşington.

Calathe bi maqırhonutho dhuwle u mşalo da esore baroye du Huyodo d’Urifi Josep Borell m’akadle du Huyodo masro’yo bu şroyo d’2 athrawotho şarye dkıtyo calu asas da xtute dan 1967. Borell mawdacle, du inisyativano dmıdla Amerika, kırohıq mu qyomo u Emwothoyo dımbayanwo.

Borell mırle; Dı mıbne şlomo kino u aminoyo, u şwolo du statu klozım dmışre bu darbo du dialog beyn da İsarloye uda Fleştoye. Bu tarano, kıcubri’ste a thume, u statu d’Urışlem, i mşaynutho wa qetre da galwoye. Dilonoyith, kıtucnina ğamo calu kboşo di daşto d’Yurdnon uğer dukotho d’Dıffa i Macırboyto. Dothe dhowe kboşo cala dukothani’ste, kit u Huyodo d’Urifi dmoyıd tedbire qonunoye.

Dothe u plan d’Trump dfoyıt la haye, kibın dukotho frişe da Fleştoye-xıd mathlo u madınho d’Urışlem, Diffa i Macırboyto uğer dukotho dfayti lu duyoqo d’İsroyel. Lfuth u Huyodo d’Urifi, dothe Urışlem dmibayno erişkoyto me darbe d’Tel Aviv, gıdhurwi a mkone du şroyo du krizano beyn İsroyel uda Fleştoye.