U Huyodo Suroyo d’Urifi hawile ytawto cam qoyumto Gudrun Kugler bu parlamento d’Austoria
Taşdarto me şutose du Mawtbo Umthoyo d’Bethnahrin, hawilın athmıl ytawto bu parlamento d’Austoria u laqın i qoyumto dr Gudrun Kugler. Bi ytawtathe dhawyo, i taşdarto bşıkıl rwiho mahkela cala fulhone dıkmaşe u Huyodo Suroyo d’Urifi u mşalıt bahro, cali aykanoyutho du camaydan ba falqe du athraydan Bethnahrin ubi golutho.
VIYANA – İmşalonitho da esore baroye du Mawtbo Umthoyo d’Bethnahrin Ayfar Gabriel u mathlonitho du Huyodo Suroyo d’Urifi b’Austoria Leyla Bahdi, sımlın athmıl yawme d’Hamşo, socurutho lu parlamento d’Austoria. Bu parlamento’ste mıstaqbılo i taşdarto me dr Gudrun Kugler dkıtyo qoyumto bu parlamento ubebzabno, wolitho bu haqlo du sutoro da zedqe noşoye u mathlonitho cala Mşihoye du Madınho Mescoyo.
Bu zabno di ytawtathe, i taşdarto d’MUB u ESU mahkelın cal fulhone dıkmaşe ESU u kali dilonoyith cali aykanoyutho du camaydan dkıtyo mbarbızo da falqe du athraydan u bğer athrawotho di golutho, laqi qetre rabe xıd qatle, qtolcamo, tenkiro u golutho rabtho. Ubu tarano d’ESU, hawi geşro beyn du athro udi golutho u xlıqle haylo hatho leşan dgorış u zuhoro du kenşo Emwothoyo calu camaydan.
Bu tarano’ste kle cala esore baroye dhawile ESU u dqadır dmote l’farsufe u şutose Emwothoye u ulsoye leşan dhowın sanode bi sbutho du camaydan. Gabriel u Bahdi mawdaclın l’dr Kugler, a talabe dkıtte me Austorila dhuwyo sanıdto lu camaydan-hem bu haqlo folitiqoyo, bi mcadronutho noşoyto bu athro u dilonoyith b’Suriya. Bıthır ma droşani’ste, i taşdarto maslamla dosia l’dr Gurdrun Kugler cali sbutho du camaydan.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
