09/05/2022

U İnstitut d’Bethnahrin d’Bruksel gidmabde dawro yulfonoyo

I kulonoyto yacni u İnstitut d'Bethnahrin d’Bruksel, gıdmabde dawro yulfonoyo bu qayto. U dawrano dgıdowe calu darbo du nawlo, gıdmitahwe ebe droşe calu cameydan ucali mdinoyutho d'Bethnahrin. U qeyodo lu dawrano, adşabtho mşarele.

09/05/2022

BRUKSEL – I Kulonoyto awkith u İnstitut d’Bethnahrin d’Bruksel, gıdmabde bu yarho d’Tamuz u d’Ob dıbqamutheyna dawro yulfonoyo du qayto. Bi mşablonutho d’malfone u malfonyotho bethsawboye dkıtne Nurgül Çelebi, Adem Coşkun, Gamze Özdemir u Miklosh Kerekes gıdmitahwın a droşani.

Beyn da droşani kito, leşono Suryoyo kthobonoyo, leşono Cıbroyo, a tawdyotho wa humose catiqe d’Bethnahrin, a neşe wa haye kenşoye b’Bethnahrin wi hiyoyutho Suryoyto meqım u bıthır me Mşiho. Kull droşo mani 24 şoce gıdhowe ubi harayteyde gıdmitahwe sohdutho la mıştawtfone.

U dawrano dgıdowe online-calu darbo du nawlo. La droşani klozım ha dhowele dargo d’bachelor awkith bakaloryos leşan dmıştawtaffe. U qeyodo lu dawrano, mşarele’ste wu ha drohim-mayna athro dhowe trowe, online kibe dmıştawtıf u dımqayıd ruhe bu emailano: info@institutmesopotamie.com.

A duroshe gıddowın bu Englişoyo wu qamoyo du dawrano, gıdqathle doşno dfoyış u dkorıx b’Brüksel 3 yawme.