U kathowo Muharrem Erbey komir: a kurdoye zodeq maqıblı u dawro dıhawılen bu Sayfo
U hfito bu haqlo da zedqe noşoye sniğro Muharam Erbey mqadamle turgomo cali sbutho du Sayfo du camo Suryoyo uda came hrene. U turgomano dımhadarwo bi cito d’Mor Yahkub da Nsibin bu Swed, u sniğro Turkoyo mahkele calu kthowo dı kthule dkıtyo u mabceyde dmahke da kurdoye hawiln dawro bu Sayfo dsim mu taraf di mamlaxtho Cuthmanoyto.
SÖDERTÄLJE, Sweden — U turgomano dısnid mu taraf di marcitho du Swed udı’skandinavia di cito Suryoyto, mqadım bu salon di cito d’Mor Yahkub da Nsibin d’Södertelje.
Bu turgomano dsim bı mtargmonutho mu Turkoyo lu Suryoyo me myaqro Fahmi Barkarmo, u mtargımono Muharam Erbay bi qamayto tlıble şubqono xıd farsufo kurdoyo, metul da kurdoye hawilin zawco bu sayfo da na’1915 dhawi cal Suryoye ucala came mşihoye hrene.
U sniğro Muharam Erbay mahkele cala celotho dı kthule u kthoweyde dkıtyo ışme “i qalco trayonitho da hayobe Orom u Leyla”.
Erbey mırle “ıno kthuli u kthowano xıd roman calu Sayfo laşan dmidıc u camo Suryoyo manyo, udmitagle calu dawro dhawilın a caşıryotho da kurdoye bu qatlo da Suryoye u da came mşihoye hrene”.
U sniğro bu mamleyde mırle ste “huli turgome b’mdinotho mşahılfotho du athro d’Turkiya, u ba turgomani inaqa dmahkeli da kurdoye hawilın dawro bu Sayfo hın man yaducthone u ma kurdoye nafiqi mqabıl didi, elo i şrolutho klozım dmitahkiyo, ubıthır dhowe şbuqyo inaqa da hayobe dmawdın bu qtolcamo dsımlın”.
Muharem Erbey bu mamleyde kali ste cala esore dkımdawmi bayn da came d’Bethnahrin, u kul ha me gabe dımhalıq dawsat du şlomo laşan dmişatıs haye mşawtfe bu athro.
Bıthır ma şuwole da hadire, u hfito ba zedqe noşoye sniğro Muharem Erbey mdele a’kthowe dışqili mu taraf da hadire.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
