U Mawtbo da Citotho d’Australia mahwelın hfuxyo bi sbutho di cito d’Ayasofia

U mawtbo da citotho şlihoyotho du madınho dkıtyo b’Australya krıhlın u şuhlofo di bethcatiqotho d’Ayasofya l’Masığdo. Bu buyono dıfrısle u mawtbo ktolıb me Ankara dmakle u fusqono dhulın bhaq d’Ayasofia laşan di sbuthathe luyo li bcelıdbobutho bayn da tawdiyotho.

U mawtbo da citotho mşihoytho du madınho d’Auastralya u nyuzelan bu buyono dıfrıslın bhaq du şuhlofo d’Ayasofia l’masığdo kımi. Turkiya bu şuhlofano dıksaymo kfıtho tarco dhowe bcelıdbobutho bayn da tawdiyotho dkito.

Bu buyonano u mawtbo da citawotho krıhle u şuhlofano u tlıble me Turkiya dı maklın u fusqonano dkıtyo ğalto. Metul di cito d’Ayasofya ba mowat d’ışne hawyo rımzo da esore basime bayn da tawdiyotho. Bu fusqonano dmıdla Turkiya kobo darbo laşan di bcelıdbobutho dızaydo bayn la tawdiyotho.

Bu huthomo du buyono u mawtbo da citawotho mşihoye tlıblın me Turkiya dı makılyo u fusqonano laşan dımdawmo i hawa du şlomo wi noşutho dımdawmo bi ruho di cyeşe dcam hıdode. Be bzabno u mawtbo tlıble mi şıltonutho u ma mşale d’Australya dmahwın calaqa dilonoyto li sbuthathe, u dsaymi hboso cal Turkiya dı dcoro mu fusqanano dhula bhaq d’Ayasofia.