U Mawtbo d’Citotho d’Madinho Mescoyo krıhla u furqoco marıhbono qtolnafşoyo dhawi bi cito d’Mor Eliyo da Rûm

DARIMSUQ — İ sictho mşablonitho du mawtbo da citotho du madınho mescoyo, sımla yawme d’Arbıco u yawme d’Hamşo dşaficina u knuşyayda u cyodoyo bi mditho d’Bayrut bu athro d’Lebnon. Bu şuroyo du knuşyano, a’mıştawtfone kalın qatinto d’şetqo u msalelın laşan du nuyoho di ruho da sohde di cito d’Mor Alyas Hayo da Rum Malkoye Ortodoskoye bı Darımsuq dıdbihi bu furqoco marıhbono dhawiwo 22 bu yarho d’Hzirın dşaficina.

A’mıştawtfone bu knuşyano krıhlın a’şıklat mşahılfe du cnufyo mayna duktho dhowe, ubebzabno b’qaşyutho maslelın u mamlo di tuhmonoyutho, di bceldboboyutho wa gunhe gawonoye du cnufyo dkowın bhaq di noşutho. 

Bu tarano, a’mıştawtfone bıthır mu knuşyaththe sımlın socurutho di awyutho li qadişutho du fatıryarxo Mor Yuhanna da’10 Alyazaji bu qentrun fatıryarxoyo dkıtyo bi dayro d’Sayıdıt Albalamand b’Lebnon, u mqadamlın li qadişuthayde snodo u buyoye cala sohde di cito. 

İ taşdarto makadla ste du admo da sohde hayo, wu gunhano latyo balhude hçomo cala Mşihoye, elo hçomoyo calu kenşo d’Suriya kule, ucalu tefso di ciyeşe mşawtafto makthabzabnoyto. İ taşdarto mahwela ste i awyuthayda camu fatıryarxo Alyazaji, ucama sohde di cito, u tlıbla hulmono msarhıbo la mçarhe. 

M’gabo hreno, fatıryarxo Alyazaji mqadamle tawdiyotho li taşdarto cali awyutho dmahwela cama n’abne du kursiyo d’Antiyuxiya kulle bu haşano u rabo, u makadle du admo dxayır bi cito d’Mor Alyas admo da came du kenşo d’Suriya kulleyo. 

İ qadişuthayde mahwele ste sabro dhuyo Suriya i hathto mşatasto calu prensib du nushono noşoyo, ucalu iqoro da zedqe du barnoşo.