U mawtbo demoqratoyo da came du qlimo du garbiyo udu madınho d’Suriya, m’ayadle u qonuno da tarmiyotho momunoye dıkhobış b’gawe 24 mluwe

RAQQA, Beth Nahrin — U mawtbo demoqratoyo da came du qlimo du garbiyo udu madınho d’Suriya, athmıl sımle u knuşyayde u cyodoyo bu salon da knuşye dkıtyo bu kanton d’Raqqa, bi mıştawtfonutho da hadome du mawtbo, i rişonutho zawgoyto du mawtbo wa tahlufayda wi rişonitho zawgoyto du mawtbo mşablono di mdabronutho yothoyto Avin Suwid. 

I ytawtathe sim u futohayda b’qatinto d’şetqo cali ruho da sohde, ubıthır mathe sim u zawho du yimoyo d’farsufe dımbayni xıd mşale ba şutose di mdabronutho yothoyto bıthır mıdhew mawdconutho yothoyto cala hayaththe. 

Bu tarano, Wlida Şexmus u Cisa Şamcun ymelın li wolithaththe i hathto xıd rişone zawgoye lu mawtbo da caşıryotho uda haymınwotho. 

Bebzabno, Layla Muhammad u Muhammad Sabri ymelın li wolithaththe xıd rişone zawgoye lu mawtbo du momuno udi zaricutho du qlimo du garbiyo udu madınho d’Suriya. 

Camgabıdathe, (H)uriye Alcabdalla u Muhammad Şahin ymelın li wolithaththe xıd rişone zawgoye lu mawtbo di tarbitho udu yulfono du qlimo du garbiyo udu madınho d’Suriya. Bıthır mathe ste ub’dawse tukosoyto hathto, mbayno Rohlat Caref Muslem tahlufto li rişonutho zawgoyto du mawtbo demoqratoyo da came du qlimo. 

Ubu huthomo di ytawtathe, a’mıştawtfone b’ha femo m’ayadlın u qonuno da tarmiyotho momunoye dıkmişakıl m’24 mluwe, bıthır mıdsim şuhlofe calu qonuno udılhe ha ma mluwayde.