U Mawtbo Suryoyo Camoyo d’Urifi bi taglitho dmıştawtafle mahkele calu Sayfo dsim calu cameydan

U Mawtbo Suryoyo Camoyo d’Urifi bu mamlo dsımle cali taglitho dımtaybowa bi arışkoyto d’Almanya cama şutose Armnoye, mahkele calu Sayfo du camo Suryoyo-Othuroyo.

U Mawtbo Suryoyo bu mamlo dsmle, mahkele calu Sayfo u aydarbo u Sayfano kımdawım adyawma calu cameydan, wu hule mathlo hawbe dıksaymo Turkiya calu cameydan; beynothaye i sbutho du dayroyo Aho Bilecen.

U Mawtbo Suryoyo Camoyo d’Urifi mıştawtafle li taglitho dsımwolın a gabe u şutose Armnoye b’Berlin d’Almanya leşan dmaşımci u qolo du Sayfo u dtulbi me Almanya u man athrawotho hrene dmawdın ebe.

Bi taglithathe dsimo mqabıl du bınyono di rişizgadutho d’Turkiya dkıtyo b’Berlin, u kothubo dcalu makthabzabnoyo Dr. Nick Brauns mırle; U qtolğenzo dan Armnoye xıd caybo rabo khozinale, idicoyo d’Almanya snıdwola u qtolğenzano.

Bıthır ma slogane u mamle dsimi, u Mawtbo Suryoyo mqadamle u mamleyde calu Sayfo du camaydan u Othuroyo Suryoyo dhawi bcayni zabno du qtolğenso dan Armnoye u mırle; Heş kımdawım u qtolğensano calu camaydan me Turkiya dkıtyo bcayni zihniye da Jun Turk.

Bu mamle u Mawtbo rızle i dişutho dıkmdawmo calu cameydan u hule mathlo u tehito di ido cala mulkone du cameydan, u qatlo dhawi ba 70 u bethdino dhule fusqono bhaq du dayroyo Aho Bilecen u aydarbo i şultonutho mahıtwola ido cali hfıto Dallala Nitro u ğer sebwotho xıdani kito ba casrowat.

U Mawtbo Suryoyo Camoyo d’Urifi bu mamleyde, tlıble me britho dmawdyo bu Sayfo du camo Suryoyo Othuroyo u bebzabno dsaymo hboso cal Turkiya leşan hiyaste dmawdyo ebe bnişo dmitatım u dyoşo dkowe acle.