U Pentagon grisle u zuhoro cal ğrobe frişe d’Suriya dkıtne msalhe u dlatne bu duyoqo di şultonutho d’Darımsuq

WASHINGTON — Pentagon frısla maqırhonutho u mşalatla bahro cala ğrobe mşahlıfe d’Suriya dıktucni zayno u dlıkmıştawtıfi la hayle ruşmoye du athro-awkith, dlatne bu kontroll da hayle ruşmoye di şultonutho hathto d’Suriya. Calathe Pentagon mırla; İ qudra, u haylo dkıtla Darımsuq bu duyoqo da ğrobani-sbutho dıkxulqo ğamo rabo’yo l’Amerika. Hano kımahwe şwolo, yaquro’yo dtucno Darımsuq.

Bi maqırhonuthathe mawdıc dkito mınyono celoyo d’ğrobe msalhe-dhın saqıbloye u dhın’ste da qalilotho’ne dlo masırre ruhaye ba hayle di şultonutho. Mahke cala Haylawotho d’Suriya Demoqratoyto dıksaymi u duyoqo du garbay madınho d’Suriya wa hayle da Druz dıksaymi i mşaynutho du taymno du athro-xıd Sweda uğer.

Bi maqırhonutho kle cala droşe dkowın beyn da hayle d’QASAD udı Darımsuq lfuth u qyomo d’10 Odor elo dheş a ytawyothani lo matın l’netiçe-cal d’QASAD kobıc sistem federaloyo wi şultonutho kubco dımdawmo xıd meqım-awkith sistem dkıtyo i mdabronutho du athro kula, bida. İ mdabronutho du garbay madınho d’Suriya, krıhla u cnufyo dıkmdawım b’Sweda u calathe’ste kubco da hayle d’QASAD dımdawmi u duyoqo di mşaynutho du qlimano.

Bi maqırhonuthathe Pentagon sımla qroyto l’Darımsuq u QASAD dımdawmi a droşani bnişo dmımte l’awyutho calu şıkıl di mlahmonutho da hayle d’Suriya u mahke cala nuqazyotho dkıtla Amerika b’Suriya-dhın maxlın u cayni mede dmanqıs u mınyono da folhayda bu athro u m’akadlaste, cali ulsoyutho dımdawım u ağono dkobın cam QASAD mqabıl di marhıbonutho u dmisafe u şwolo da galwoye.