U polis Swedoyo sımle cuqobe mşahılfe bi şawtho Suryoyto d’Ronna b’Södertälje
Kull dkothe, kızaydi a hçome wa gunhe da ğrobe hayobe bu Swed. Bnişo dmitaklın a hçomani dkowın b’mdinotho mşahılfotho du athro; beynothaye i karxutho d’Södertälje wi şawtho d’Ronna, mid tedbire wu polis’ste kısoyım cuqobe cala ğrobani.
Hani zabno yarixo u tbocofroso Swedoyo frısle tebe cala qatle ucala şabakat hayobe dmazıdde a hçomathe. Bı mdinotho mşahılfotho du athro’ste a mşale bıdelın dmaydi tedbire leşan dmanıqsi a qatle wa hawbe da grobani. Hdo ma mdinothani’ste Södertälje’yo dkowe droşe eba cala şwolani.
Athmıl a powelıs di karxutho d’Södertälje sımlın cuqobe mşahılfe bnişo dmahti ido cala gelone mtanwone uğer. Lfuth u tbocofroso qlimoyo, u polis sımle cuqobo bi şawtho d Ronna u maklelın kull ha dlaqın u sımlın buqore acmaye, leşan dhozın en a farsufe kıtte gelone mtanwone, zayne, zuze u timoyotho hrene acmaye.
Ba cuqobani dsımi, msıkle u polis farsufe dktwo acmaye gelone mtanwone xıd haşiş u ğer, u cam farsufo hreno msıklın 200 alfo krone u hreno dkıtwo acme 50 alfo krone u şoctho Rolex wu mahıtlın ido aclaye.
Me gabo hreno ba yawmotho dsaficina frıswo tebe bu tbocofroso qlimoyo, da citotho uda hudre du camaydan d’Södertälje matınwo l’awyutho dsaymi fulhone leşan dkolın qum da qatle uda hawbe dkowın bi mdito ba zabne haroyani.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
