U rişqutno d’Armenia rfıdle u fusqono du rişwazire Paşinyan

U rişqutno d’Armenya Armen Sarkissyan rfıdle u fusqono du rişwazire du athro Nikol Paşinyan dabıc dmimıd u rabhaylawotho Onik Gasparyan mi wolitheyde.

 Bi maqırhonutho dfriso mu rişqutno komır; Bu zabnano du athro b’kriz du qrobo lo hzelan mawthrono dmimid u rabhaylawotho mi wolitheyde.

 Bu zabno dıkmdawmi a tagliyotho beyn da sanode uda saqıbloye du rişwazire Niko Paşinyan, tlıbwole u gayso d’Armenya dkıtyo bi rişonutho du rabhaylawotho Onik Gasparyan dmıstacfe u rişwazire mi wolithayde.

Paşinyan’ste bıthır thımwole u rabhaylawotho, dkobıc dsoyım inqila folhoyo acle u calathe mqadamwole talab lu rişqutno Armen Sarkissyan, dmoyıd u rabhaylawotho mi wolithayde. Bıthır me droşo d’3 yawme, u rişqutno Sarkissyan rfıdle i bocutho du rişwazire dmimıd u rabhaylawotho Gasparyan mi wolithayde.

Bıthır mu fusqonano di rişqutno, u rişwazire Paşinyan mawdacle dımşadarle i botcuthathe du myodo du rabhaylawotho mi wolitheyde naqla hreto lu rişqutno.

Bu dumyano kımahwe i sbutho d’Armenya gıdmdawmo bu mahwo u şqolo da rişone du athro.

A hfuxye dkito mqabıl d’Paşinyan, masre’ne bu şıkıl dımsafele i sbutho du qlimo d’Nagorno Qarabax udan Armınoye mvayaclın sahmo rabo ma dukothathe bu qlimo-bi netiçe da droşe dhawile camu rişono d’Rusya udı Azerbaijan.