28/02/2021

Hiwo i netiçe da hçome dsimi cala ğrube İranoye b’Suriya

Bıthır ma cuqobe dsımwola Amerika cala dukotho da ğrube dıkmısnodi mu İran b’Abu Kamal d’Suriya, huwle u malolo d’Pentagon maqırhonutho cali netiçe da hçome dsimi.

 Bebzabno mawdıc, da hayle Amerikoye bu Iraq maqşelın u duyoqathe bıthır ma gzome dımqadmi mu ğrob d’al Najaba, dmawdacle dkıtyo hadiro dımfane a hçome dsımwola Amerika cala bnayqyomathe b’Suriya.

Bi maqırhonutho dhuwle u malolo d’Pentagon John Kirby cala cuqobe dsımlın a haylathe cala ğrobe dıkmısnodi mu İran bu madınho d’Suriya mırle; A funoye dkıtne bu dumyano, ulsoyene leşan dmihadıd u İran dmitamte lbole, da noqufayde d’Amerika lıkmaqbılo dmisım hçome cala yuthrone ucala bnayqyomayda.

Bi maqırhonuthathe dhuwle Kirby lu tbococfroso mawdacle a detaje da hçome dsımwolın a tayosyothathe d’F15 u m’akadle, dımhe 7 soruhe b’11 nuqazyotho da ğrobani dkıtne b’Abu Kamalcdıktucni i mşalutho da hçome dıkmisomi calu koalisyon Emwothoyo, cal Green Zone ucal Arbil. 9 ma nuqazyothani mahrıwi. A dukothani’ste mıstacmıli leşan u nqolo d’zayne u lojistik mcala thume d’Suriya udu Iraq.

Lfuth i Mşatasto da zedqe noşoye, qtil ba hçomani d’Amerika 22 ma ğrobani du İran. U rişono Amerikoyo Joe Bidenste bu mamlo dsımle bi kongre m’akadle, di celtho da cuqobani dsımlın, funoyo la hçome dsimi cala hayle Amerikoye b’Arbil ubğer dukotho du Iraq’yo. Biden rızle’ste a siqume da hçome dsimi cala hayle Amerikoye bu Iraq.

A hayle Iraqoye dıkmısnodi mu İran bqaşyutho krıhlın a hçome dsımwola Amerika cala muttafikathe b’Suriya u huwlın şudoyo, dgıtolın u hayif u gıdsaymi hçome hathe cala Amerikoye ucalu koalisyon Emwothoyo. Calathe u malolo du koalisyon Emwothoyo Wayne Marotto mawdacle, mazıdlın u maqşelın du duyoqo di mşaynutho da folhe uda nuqazyothayde dkıtne bu Iraq. Wu leşan i mşaynutho da haylawothathe’ste, lo huwle Marotto mawdconutho rwıhto cala tedbirani dmıdlın.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…