U senato Amerikoyo sımle qreyto la haylawotho dı britho dmaklın anesore dkıte camu Rejim d’Suriya

U senato d’Amerika sımle qrayto la hayle dıbritho, dımaydi u fusqono dmıdla Amerika mqabıl d’Suriya bu ışmo d’Zesar.

 Bi qrayto dsımle u Senato dmıdle fusqono, dkımayıd u qonuno d’Zesar komır; Kımzahrina a hayle Emwothoye dıklozım qutci a esorathe camu qatolo Al Asad kulonoyith.

Amerika maqşela a tadbire dkıtla mqabıl d’Suriya bu knuşyo dsımlın a qoyume du Senato d’Amerika mayadlın u fusqono dmıdwo mi wazirutho di baroyutho du athro u sımlın qroyto la hayle dıbritho dı qutci a esore dkıtlın camu rejim d’Suriya kulonoyith bu gabo di tagorutho u ba esore diplomatikoye.

Bi mawdconutho dhule u Senato calu fusqono dkımayıd u qonuno da tadbire d’Zesar komır hani zabno yarixo u camo d’Suriya kgorış casqutho u mrore mu rejim d’Suriya, mawxa ktılbina ma hayle emwothoye kule dmıştawtıfi lu fusqonano.

Bi mawdconutho kmitawmır Başar Al Asad lıkdocır dıfoyış rişono ruşmoyo dıg mitaqbıl, mawxa klozım mitakle u snodo lu rejim, u dmıkle qımu qatlo du camo dıksoyım u rejim, bu şıkılano mıftıh u darbo di awyutho du camo d’Suriya dıkmawbıl li hirutho.

Bu huthomo u Senato komır ksaymina qrayto la hayle emwothoye kule dmaklın a esorathe di tagorutho u diplomatikoye, awste dsaymi fullhone dkımjazın u riş qatolo d’Asad.