U Rişqutnu du Sin sımle socurutho l’Rusya

MOSKO – U rişqutno d’Rusya Vladimer Putin mıstaqbele bı Kremlin u baramnayde du Sin Şi Jin Ping cam taşdarto dıkmişaklo m’wazire u mşale bi şiultonutho. 

Bi ytawtathe, a’tre rişone drışlın u qrobo d’Ukriana, u kriz d’Honkong ud’Suriya, u makadlınste dgımdawmi i methcadronutho stratijikoyto dbaynothaye. 

Bıthır ma droşe dhawilın, Putin u Şi mdelın 10 tahwiyotho mşawtfe, baynothaye tarte rişoye dkıtne buyono mşawtfo calu cumqo di şawtofutho stratijikoyto dkito bayn du Sin ud’Rusya bu maşıqlo hatho dıbritho, u buyono hreno calu quyomo ba haqle rişoye di methcadronutho momunoyto di şato da 2030. 

Şi Jin Ping laqiwo u rişwazire d’Rusya Mixael Mişostin. Wa tre makadlın d’hadirene dmabdın tarmiyotho hathe, bnişo dmitazıd u zawco du nqolo du komenikation dıkşofıc l’Sibirya uli qıtca d’Asya. 

Şi Jin Ping inaqla qamaytoyo dıksoyım socurutho l’Mosko, bıthır mdımnaqe naqla hreto rişathro lu Sin.