U Tukoso Emwothoyo di mcadronutho frısle taşroro calan athrawotho rişoye dkıtne qento bı britho

U Tukoso Emwothoyo di mcadronutho, frısle taşroro calan athrawotho rişoye dkıtne qento bı britho u dlıklozım dmisamlın socurutho bi şato da 2021.

 Bu taşrorano d’İnternatşınıl SOS kmitawdıc, dan athrawotho rişoye dkıtne qento di mşaynutho bı britho Suriya, Libya, Afğanistan, Iraq wi Qutnutho d’Afriqya i Mescoytone.

Bu tebo dıfrısla i sfaryawmo d’The Daily Mail kımawdıco, lfuth u tukoso The International Relief Company awkito u Tukoso Emwothoyo di mcadronutho maglele, anathrawotho rişoye bı britho dkıtne qento dmisamlın socurutho bi şato dıbqamuthayna

Bu taşroro şatonoyo dıfrısle u İnternational SOS kmawdıc, mawdacle a dukotho dkıtne qento la socure u dkito riziko di mşaynuthathe mcal fothe du cnufyo folitiqoyo, kenşoyo uğer hawbe frişe u acmayeste u qento du pandemi di Corona dmaqşele a krizani zıttır dhuwle qetre jıddi bu haqlo du hulmono, du momuno uğer.

Lfuth u taşrorano bi sbutho di mşaynutho kito anathrawotho Suriya, Libya, Afğanistan, Iraq wi Qutnutho d’Afriqya i Mescoyto, dkıtne b’qento. Bebzabno mawdıciste anathrawotho rişoye dkıtne mşayne Grönland, Swisra, Slovenia, Norweç, Finland, Danmark wı gzıryotho frişe dı britho.

Bi sbutho du pandemi di Coronaste, Zelanda i Hathto, Tanzania u Nicaragua an athrawotho mşayne dkulene. Elo Romania, Ukraina, Austoria u Yurdnon mahti bu darğo dıtrela i Corona tathir ğalabe rabo cala comure. Anathrawotho dkıtne bu riziko dcubri b’qetre jiddi di bsirutho da darmoneste kito Venezuela, Qore i Garbyoyto, Libya, u Tayımno d’Sudan u Yemen.