U tukoso WHO maclele u qento du darğeyde lucloyo d’kule mqabıl du virus d’Corona

U tukoso Emwothoyo du Hulmono, maclele u darğo du qento du virus d’Corona lu celoyo d’kulle.

 Bi maqırhonutho dhuwle u rişono du tukosano m’akadle, dmaclelın u darğo du qento du virusano, bıthır mıd bıdele dmibarbıs lu garbyo d’Afriqya udı xlıqle qetro rabo bu haqlo du momuno.

U rişono du tukoso The World Health Organization-WHO, Tedros Adhanom Ghebreyesus, huwle athmıl maqırhonutho ruşmoyto lu tbocofroso Emwothoyo mi mdito d’Geneve d’Swisra, cali aykanoyutho harayto du virus d’Corona. U rişono du tukoso m’akadle, da şuşote haroye dhawın bi sbuthathe d’Corona, xlıqlın ğamo ğalabe rabo elo heş kito mkono, dmitafıt u virusano lu duyoqo, en dmimıd tedbire casye mqabıl dide.

Ghebreyesus mawdacle’ste, dmaclelın u darğo global du qento du virusano lu celoyo dkulle, bıthır mıd u epedemiano bıdele dmibarbız bu garbyo d’Afriqya udı xlıqle qetro rabo bu pazar dbritho. Kull dkotheste, kızoyıd u mınyono da bnaynoşo dtafilın u kewano. U virusano, tafi bi şabtho haraytathe l’athrawotho frişe dbritho-jğer mi qıtca d’Antartika u ğalabe şırak u şultonwotho mahıtte mnoco dultomo udu mazlo u mathyo da bnaynoşo.

Athmıl mawdıc’ste, du athro d’Swisra hawi u athro haroyo dıjbir dmoyıd tedbire yaqure bi sbuthathe. Swisra mnıcla altome kulle dıkmıştawtaflın hol alfo bnaynoşo, hol 15 bu yarho d’Odor dıbqamuthayna-xıd mathlo a konsere, hage uğer. U virusano hawi holucdo celtho lu mawto d’2.800 bnaynoşo u tafi lhol 83 alfo bnaynoşo bı britho kula-i sagiyoyuthathe bu Sin.

Bıthır mu Sin, kothe u İran dınqil holucdo 34 farsufe ma haye u Qore i Taymnoytoste kıtla 13 mithe u hol 2 alfo tafilın u virusano. An athrawotho haroye dtafilın u kewano, Belarus, Danimark, İsland, Lithuania u Zelanda i Hathto’ne.