01/04/2021

U waziro di baroyutho di Scudiye Faysal Bın Farhan hawile ytawto camu baramnayde d’Rusya Sergey Lavrov

İ Scudiye mawdacla, du darbo du şroyo du kriz d’Suriya bi rocyutho d’Emwotho Mhaydotho, u darbo ihidoyoyo du şroyo du krizano du athro.

Bebzabno i Scudiye dımbayanla uşroyo folitiqoyo xıd şart leşan u bnoyo u hethotho d’Suriya, tlıblaste dmitaklıyo i tarmitho du şuhlofo demoğrafoyo b’Suriya.

U waziro di baroyutho di Scudiye Faysal Bın Farhan, hawile ytawto camu baramnayde d’Rusya Sergey Lavrov bi arişkoyto d’Riyad. Bu knuşyo mşawtıfo dsim lu tbocofroso, u waziro Bın Farhan makadle du darbo du şroyo folitiqoyo dılmisım bi rocyutho d’Emwotho Mhaydotho kımathıl u darbo ihidoyo du şroyo du kriz d’Suriya dşafıc a 10 ışnayde, u tlıble’ste mu İran dmakle i tarmithayde du şuhlofo demoğrafoyo da mathhabe b’Suriya.

Bebzabno, Bın Farhan mawdacle di mamlaxtho di Scudiye kısundo kull şıkıl d’fulhone dıkmisomi, bnişo dıdıcro Suriya lu bayto Caraboyo, u makadle’ste du şroyo folitiqoyo şart’yo dmıştawtıfo i Scudiye la fulhone du bnoyo udu hethotho d’Suriya.

Bın Farhan mırleste; İ Scudiye kımakdo cali ulsoyutho dımdawım u snodo da fulhone du şroyo du kriz d’Suriya, udmisım u garanti di mşaynutho du camo d’Suriya udu sutorayde ma tukose marıhbone uma grube mzayne da dkowın tırpılto qum da şroye şarire dkımşabli u camo d’Suriya. Lfuth i hzayto di Scudiye, u şroyo du kriz d’Suriya klozım dhowe folitiqoyo, wu asas du medano masro’yo ba gabe d’Suriya, u klozım u rejim wi saqıbloyutho dmotın l’awyutho cal şroyo folitiqoyo. Kıtlan sabro dmakışri a fulhone dıkmisomi bu tarano. U athro d’Suriya kışowe dıdocır me hatho lu bayto Caraboyo, u dmitarku ebe u şlomo wi mşaynutho, u ahna ksındina a fulhone dıkmisomi bu tarano.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…