Uknuşyo d’Astana Kamıl

A rişone da tlotho athrawotho d’Rusya, Turkiya u du İran, mtayablın knuşyo bu darbo du nawlo, cala şuşote haroye du kriz folitiqoyo d’Suriya.

 Bu knuşyano, u rişathro d’Rusya Vilademer Putin mawdacle dkito ucdo sniqutho dmitabde diyalog mşayno bayn da gabe saqıbloye d’Suriya.

 Bu darbo du video konferans, athmıl sim knuşyo calu kriz folitiqoyo d’Suriya dmıştawtaflele u rişono d’Rusya Vlademir Putin wa tre baramnayde d’Turkiya udu İran.

Bu knuşyano, Putin mırle; Klozım dmitabde kampanya hfıto leşan dmisım diyalog beyn da gabe saqıbloye kulle d’Suriya, bu taro da fulhone di sictho mtaybonitho du nomuso esonoyo hatho b’Çenev. Kımqadamno renyo dmısnıd u maşıqlano laşan dmicadri a’gabe saqıbloye kulle dyıtwi camıhdode u dmabdın  diyalog baroyo bayn dıhdode.

Bebzabno, Putin bu knuşyano mawdacle l’Erdoğan ul’Ruhani dheş kito nuqazyotho di marıhbonutho bi fnitho d’İdlıb u bdukotho hrene b’Suriya.

Bu buyono mşawtıfo dıfrıslın atlotho rişone, makadlın dlayto şroyo folhoyo lu qrobo b’Suriya, uklozım du krizano dmışre balhude bu darbo folitiqoyo.

Atlotho rişone mayadlınste u knuşyo di sictho mtaybonitho du nomuso esonoyo d’Suriya dgıdmitayıb b’Çenev bu yarho d’Ob dıbqamuthayna, u matın l’awyutho dmaqwın i methcadronutho momunoyto bayn danathrawothathe.