06/02/2021

Urifi ktucno ğamo dımhaydo u qedomeyda mqabıl d’Tehran

A wazire di baroyutho d’Almanya, Amerika, Fransa u Britania drışlın du ğamo dıktucni bi sbutho du İran u aydarbo gdımhaydi u qedomathe laf Tehran.

 Me gabo hreno u tukoso Emwothoyo du atom u du enerji mawdacle, da mbahnone mqafelın ithbate hathe, du İran kımaşe fulhone ğnize leşan u snoco d’zayne nukleer.

 U droşano dhawi athmıl beyn dan wazire dan 4 athrawothani, hawi u droşo qamoyo dıkmisım beynothaye bıthır mıd u rişono Amerikoyo hatho Joe Biden mşarele bi wolithayde. İ sbutho rişoyto da droşani’ste, u qetro du qyomo du nukleer dcamu İran’wa dhawyo qetro jıddi, bu zabno du rişono catiqo Donald Trump.

Bi maqırhonutho dfriso cala droşani mawdıc’ste, da wazire mıttafqi dkubci dmaqwın i hawrutho wu qyomo d’transatlantik, i sbutho di mşaynutho u aydarbo gıdımsafın a qetre Emwothoye camhıdode bu dactith. Mawdıc’ste da wazire da 3 athrawotho Urifoye u d’Amerika drışlın aydarbo gıdmsafın u şwolo du İran.

B’tebo hreno dfris calu qetrano du nukleer du İran, u Tukoso Emwothoyo du atom udu energi-İAEA m’akadle, da mbahnonayde mqafelın ithbate cala fulhone dıkmaşye u İran wa fulhonani’ste ğnize’ne ulo mawdıci lu tukoso. Lfuth u qyomo da 2015, mıttafaqwo du İran klozım dmawdıc a fulhonani dıkmaşe.

U tukoso mawdacle’ste da ithbatani kımaglın, du İran kımaşe fulhone leşan u snoco d’zayne nukleer. Ba buhonani dsımle u tukoso Emwothoyo b’2 nuqazyotho frişe du İran, mqafe ithbate/testat du material dkıtyo radioaktiv-awkith du nukleer. A mbahnone heş lıkudci mo ba mo u şıkıl du mluwano u gıdmaşın ucdo buhone acle.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…