31/05/2020

Urifi mahwela hfuxyo mqabıl du fusqono dmıdla Amerika

Fransa, Almanya u Britania sımlın sturyo u fusqono dmıdla Amerika, bi sbutho dmıfroşi hın athrawotho ma tedbire dmıdla mqabıl du İran udi tahraztayde du snoco da zayne nukleer.

 Amerika trewola meqım Rusya, u Sin wu şırak Urifoye dfulhi bu şuhlofo da maye yaqure du macımlo d’Arak, leşan u İran dlo qodır dısonıc uranium.

Bı maqırhonutho mşawtafto dfriso me Fransa, Almanya u Britania, sımlın u fusqono di şultonutho d’Amerika sturyo. Bu fusqonano dmıdla Amerika, fayış lıgmıtrın hın athrawotho larwal da tedbire dmahıtwola cali şultonutho d’Tehran.

Anathrawotho dtrınwo larwal da tedbirani, kıtwolın mkono dfulhi ba macımle nukleer du İran, leşan dlo mitahwe aftho l’Tehran dı sonco udlo mşawşıto zayne u soruhe nukleer. Bi maqırhonuthathe a 3 athrawotho mırlın; Haşo rabo’yo d’Amerika mıdla hawxa fusqono, dmakliyo a fulhonani.

Fransa, Almanya u Britania mırlınste; A tarmıyothani dıkmısnodi mi rmoyto du Mawtbo di Mşaynutho d’Emwotho Mhaydotho da 2231, kıxudmi a fulhone dıkolın qum du şuşoto da zaynani u kımakdi lu kenşo Emwothoyo, dmısnıc belhude uranium la yuthrone mşayne udu şlomo, xıd mathlo a fulhone nukleer d’İrlanda.

Amerika trewola Rusya, u Sin wu şırak Urifoye larwal da tedbirani ubu şıkılano kibowın an athrawothani dfulhi bu şuhlofo da maye yaqure dkito bu macımlo nukleer du İran, Arak, leşan Tehran dlo qudro sonıco uranium la zayne nukleer elo belhude dmitıstacmıl lğer yuthrone kenşoye.