USAİD mcadarle bu kahrobo dı Telkepe

U şutoso Amerikoyo du quyomo emwothoyo d’USAİD, maslamle makinat du kahrobo li dayira du kahrobo dı Telkepe di daşto d’Ninwe, bnişo dmitaqwiyo i mşablonutho kenşoyto di mditho.

Bu taro di tahrazto d’Hulmono dıkmısnodo mu şutoso Amerikoyo du quyomo emwothoyo d’USAİD, ubi methcadronutho di dayira du kahrobo udi qaymaqamiye di qastra dı Telkepe di daşto d’Ninwe, maslım yawme d’Huşabo dşaficina makinat li dayira du kahrobo di mditho xıd mcadronutho mu şutoso d’USAİD lu camaydan di daşto.

Meqım matheste USAİD mqadamwole radayto du tcono li dayira du kahrobo dı Telkepe.

İ mcadronuthathe kmıhşowo hıdo ma dawsat ulsoye dıkmihalqi, bnişo dmitaqwiyo i şalyutho kenşoyto bi qastra d’Telkepe, udmişawşıto i mşablonutho kenşoyto di mditho. Be bzabno, i mcadronuthathe gdımşawşıto a’fulhone dıksaymolın i dayira du kahrobo dı Telkepe.

Me gabo hreno, u qaymaqam dı Telkepe Basem Bıllo mqadamle atawdiyothayde la fulhone dıksamlın u grub di tahrazto d’Hulmono wu şutoso Amerikoyo du quyomo emwothoyo d’USAİD, cal dkımdawmi bu darbo da tarmiyotho dsındi i mşablonutho kenşoyto dı Telkepe.