USUP cami mcadronutho dğer şutose u du camo kımdawım mfarıq mcadronutho

I tarmitho dımabdewole u gabo du Huyodo Suryoyo Tibeloyo leşan i mcadronutho lu cameydan tahtu ışmo Me lebo L’Lebo u kuleyna camıhdode; kımdawmo b’Lebnon.

 İ claymutho du camo camu şutoso du Slibo Suryoyo, cam Shai Fund, mfaraqlın mcadronutho lu cameydan u sniqoyo dkıtyo bi golutho b’Lebnon, mu qentrun du gabo dkıtyo b’Saydel buşriye.

 Yawme d’Cruto dkıtwe 3 bu yarhano, iclaymutho du gabo du Huyodo Suryoyo Tibeloyo-USUP camu Waqıf Shai Fund, ubi mcadronutho du Slibo Suryoyo, ftıhwolın a tarcathe di mcadronutho la galwoye du cameydan dkıtne me Suriya umu Iraq.

Imcadronuthathe dımqadmo bu qentrun d’USUP dkıtyo b’Saydel buşriye, a farsufe sniqoye layimi u mıstaqbelın imcadronutho da  muklone dımtaybi xıd şıkıl d’sale lu camo. Bu zabno du feroqo di mcadronutho, i mdabronitho Sintiya Sarhan mırla; Wolithoyo aclayna dkolina u dsundina u cameydan hol dkımdawmo i aykanoyutho haruwto du momuno du athro.

Be bzabno bu mamleyda Sarhan mqadamla tawdiyotho lu waqıf Shai Fund ula şutose u tukose du Mawtbo Umthoyo d’Bethnahrin ulu cameydan di golutho, dhawın sanode bi tarmithathe. I mdabronitho bu mamleyda mırlaste; U gabo gdımdawım bi mcadronutheyde leşan du cameydan dfoyış bu iqoreyde.