Yusuf Matti mawdacle u qatlo d’Halabja ha ma qatle tuhmonoye di şultonutho dsımwola cala camewe

A mathlone da gabe u şutose du cameydan wa mşale da citotho du cameydan adyawma sımlın u duxrono du yawmo şatonoyo du qtolcamo d’Halabja dsımwo mu rişono catiqo du Iraq Saddam Hussein.

Bıthır mu duxrono, sımlan maqıblonutho camu rişono du gabo du Huyodo d’Bethnahrin Athroyo Yusuf Yahkub Matte dmahkele cali klaytathe.

 Adyawma i klayteydan harke simolan bu yawmo şatonoyo du qtolcamo d’Halabja dsımwo meqm b’33 eşne mu rejim catiqo du Iraq cala comure dhedor Halabja. Wu qtolcamano ha ma falqe da qtolcame dsimi mi tuhmonoyutho du rejim cala came dıkhoyın bu athro. Bi şrorutho inaqla d’qorina u makthabzabno du Iraq, kıhozina dkull şıltonutho du du athro hawila ido yarıxto cala hiyoywotho, beynothaye u cameydan u Kaldoyo-Suryoyo-Othuroyo wa hrene.

Wi nuqto idicto du makthabzabno, mşarela ban 1915 bu Sayfo dbu zabnawo mahtiwo a thume beyn Turkiya, du Iraq u d’Suriya u sımwo hawbe mşahılfe mqabıl du cameydan. Wi nuqto da 2 dhawyo ban 1933 u malko du Iraq maqımwole u gayseyde calu camaydan b’Simele ubu şıklano abici dlohın u cameydan mu athro. U ba 60’yat mşarelın ahçome cala Kurdoye wu calu camo Kaldoyo-Suryoyo-Othuroyo mşarewolın ban 1960 u mdawamwola hulan 1963.

Ba hçomani jbiri ba mowat ma comure da qıryawotho dımgalwın ma dukothathe. Ba hcomani qtili uğer  mvayaci, u hathe mdawamla hulan 1988 d’qayimo i şultonutho Iraqoyto ba çurhe camuqo dsaymo qtolcamo ba zayne kimyawi cala Kurdoye ucala came hrene.

Bıthır mathe mşarelın b’Anfal b’l 60 dukotho u qtilin u mcarahlın a comure da dukothani u çbirilin li golutho u bıthır mawqadlın a qıryawotho wa dukotho du camo Kaldoyo-Suryoyo-Othuroyo wu camu camo Kurdoyo xasır zıttır me 227 ma qıryawothayde. Mawaxa bu yawmano, k’kurhina a sayome da qtolcamani u makthabzabno gıdmhaşawlın.