4 citotho suryoyotho b’Norrköping maqımlın slutho qum di qoyumto du Sayfo bi mdito leşan dmathıkri a suhde du Sayfo
Bu yawmo du cedo di qyamto 24 b’Nison-dkıtwe u duxrono du qtolğenso du camo Armnoyo, an arbco kohne-dan arbac çamacat di mdito Norşöping du Swed, sımlın socurutho li qoyumto du Sayfo dkıtyo bi mdito. Me gabo hreno bu muroyo da tarte gude du cameydan d’Södertalje dmıştaclın yawme du cedo, tcınwolın luho camhıdode dkıtwe thiwo acla talab mi şultonutho du Swed dmawdyo bu Sayfo.
Bi mdito d’Norrköping u cameydan maqımwole meqım zabno qoyumto du Sayfo bi arco di karxutho.
Yawme du cedo-dkıtwe u yawmo du duxrono du qtolğenso dan Armnoye, a kohne da citotho du cameydan cama şamoşe u camo, azzın li qoyumto du Sayfo du cameydan u maqımlın slutho, leşan dmathıkri u a Sohde du Sayfo du cameydan dan 1915. Bıthır mi slutho, hawi mamle dlıklozım dmıtcoyi a Sohde du Sayfo du cameydan.
Me gabo hreno bu muroyo da tarte gude du cameydan d’Södertalje, bu yawmano a mıstaşyone da gude nafiqi li wahdo du teştcınyo u tcınne bidothaye luho dkıtwo kthiwo acla-ema kmıftakro i şultonutho du Swed dmawdyo bu Sayfo dan 1915.
Hathe sırto tawto’wa bu wahdo di esfireğlo di mdito d’Södertalje, dkull naqla kmitamte bahıs dida b’ğer sebwotho lo towe.
Bu huthomo, u muroyo tayım 2 fuhome mqabıl dha li gudo d’Assyriska FF udi gudo d’Syrianska FC.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
