A comure du qlimo d’Kerxeslox fayişi dılo maye nadife

İ sbutho di bsirutho da maye bu Madınho Mescoyo kımdawmo dımathro cala haye da bnaymothoye du qlimo.

Ban alfayo d’yaqrotho d’Kerxeslox bu garbyo du Iraq, fayışi dlo maye nadife du ştoyo.

Mi celtho d’Turkiya manqasla u xyoro da maye du nahro d’Froth cal Suriya wu Iraq, u mcalfothe dılo nahıtste ğalabe mattre adşato, kıcayşi a bnaymothoye da 2 athrawotho bsirutho rabtho da maye. Camgabe dıkcayşi a came du garbyo udu madınho d’Suriya qento da maye, a comure du qlimo d’Kerxesloxste fayışi dlo maye nadife.

İbsiruthathe da mayeste, kıturyo casqutho rabtho ba haye da comure du qlimo. Beyn da bnaymothoye du qlimo dım’athri mi aykanoyuthathe, kito hol 2 alfo yaqrotho d’Kerxeslox dlaw fayışe maye nadife du ştoyo. A comure mawdaclın, dkothelın maye belhude naqla, kull 2 yawme.

Kitoste yawme, dkothe maye belhude naqla kull 6 aw 7 yawme-wa mayani’ste latne nadife wa maye dıkmızwoni’ste kibın ğalabe malho. B’Kerxeslox kmıtacmıli a comure hol 250 kubic metre d’maye u yawmo. Elo camgabe du kriz da maye, kitoste u şwolo rabo di bsirutho du kahrobo.