A furqoce dkowın bu İran kogurşi u zuhoro

Ba yawme dşaficina lıkşofacwo yawmo dlıhozinawo ebe i nuro da yuqdone awste dşımcinawo u qolo qawyo da furqoce dkowanwo ba mdinotho mşahılfe du İran.

 İ şişaltho da gedşani dlatne qrihe, bu furqoco dhawiwo 25 bu yarho dşaficina bu qentrun folhoyo d’Xoçer athınwo luhwoyo.

 U İran b’zabno d’şabtho mharhız bı tlotho gedşe d’furqoce dlatne qrihe, baynothaye tıre bu noquso b’şutose du nukler u b’cambare du zayno ğnizo athın luhwoyo.

Atlotho gedşani magle aclaye mu tboco froso du İran, dıfrısle teşicyotho u dımqadamle celotho mşahılfe, u mawdacle dıkmisım buqoro aclaye.

25 bu yarho d’Hzirın dşaficina hawiwo furqoco rabo dıkmıhzewo m’ruhqo dıkmo milat mi erişkoyto dı Tahran, ubi netije du furqocano yaqıdwo u tello dkıtyo qariwo mu qentrun d’Xoçer da soruhe.

Bıthır mathe 30 bu yarho dşaficina, hawiwo furqoco b’qentrun du hulmono bı Tahran, ubi netije zıd m’10 farsufe qtili.

Bebzabno, tıre bu yarhano a’şutose du tboco froso du İran mawdacwolın dhawi furqoco bi nuqazto d’Natanz du nukler dıhzela husrono momunoyo, wa şutose du tboco froso luwolın mawdconutho rwıhto calu gedşano.

İ sferyawmo İsarloyto d’Jorazilm Post bu tebo dıfrısla mawdacla da mşale İranoye kula naqla na furqoce dhawınwo mnasewolın dımkasın cali sbutho, udlobın yasifutho lu qento dkito ma gedşani.

Lfuth i sferyawmo İsarloyto, i şişalthathe da furqoce kfıthi u tarco qum du şuwolano, qay a’gedşani kulle hawın b’qentrune du snoco folhoyo İranoyo?.