16/05/2020

A grube çatawiye dkıtne masre bı Turkiya kmowqıdi u mahsul da comure d’Tel Tamır

Camgabıd du tenhibo, du kboşo udu tehriwo, a grube çatawiye Suriye dıkmıstacımlolın Turkiya fayış kmawqıdi u mahsul di zaricutho da fenyotho kbişe du garbay madınho d’Suriya.  Lfuth a’tebe dıfrisi bu tboco froso, a grube çatawiye dı Turkiya mawqadlın adyawma u mahsul da hete uda score ba qıryawotho dıkbışilın hedor di mditho dı Tel Tamır.

A’grube çatawiye dıkmısnodi meTurkiya bu gnowo du mahsul di zaricutho, bu msoko da mdinoye, ubu tenhibo da bote u dukane kımdawmi adyoşaththe mqabıl da came dıkhoyın bu garbay madınho d’Suriya.

Camgabıdathe, a grube çatawiye mşarelın dmawqıdi anarcotho di zaricutho da fenyotho dıkbışilın hedor di mditho du Tel Tamır. Lfuth i mşatasto d’Suriya da zedqe noşoye, mawqadlın adyawma u mahsul da hete uda score di qritho d’Alcaziziya uhuli qritho d’Alrayhaniya qariwo ma fenyotho dkıtne bi morutho da haylawotho d’Suriya demoqratoyto d’QASAD, u kmahwe da grube çatawiyani kıbci da yuqdonani dmotın la fenyotho qariwe mi mditho dı Tel Tamır udkıtne bi morutho d’QASAD.

Camgabıdathe, a grube marıhbone dıkmısnodi me Turkiya u dkıtyo ışmaye Ahrar Alşarqiya, Faylaq Alrahman, Alsultan Murad wu grub d’Almuctasem heş kito qetre u qale baynothaye calu şıkıl du floğo du mahsul di zaricutho bayn dıhdode. U mawxaste kmisım taxmin da qetre udi bceldboboyutho dkito baynothaye celthoyo da yuqdone dkowın ucdo ba fenyotho dkıbışilın bu garbay madınho d’Suriya.

10 bu yarhano, i mşatasto d’Suriya da zedqe noşoye mawdacwola da grube çatawiye dıkmıstacımlolın Turkiya, kımdawmi dmahti ido calu mahsul di zaricutho da bnaymothoye dıkhoyın ba qıryawotho d’hedor di mditho di Hasake. Ba yawme dşaficina, a grubani kbışwolın u mahsul da qıryawotho dı Bcerir, Qasimiya u Mahmudiya dıknıfli bi fnitho mescoyto bayn di qastra d’Abu Zarkan u Tel Tamır.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…