A mathlone d’Amerika azın l’Hatay laşan hozın i aykanoyutho noşoyto da galwoye me qariwo

Bu zabno dıbritho kıdorşo i sbutho da galwoye d’İdlib, a mathlone d’Amerika nahiti l’Antiyoxiya-Hatay, leşan dhozın me qariwo u snodo dıkmisim la galwoyani.

 U mathlono dilonoyo d’Amerika b’Suriya James Jeffrey wi mathlonitho d’Amerika b’Emwotho Mhaydotho Kelly Kraft, fayiti me Turkiya li xasra da saqıbloye dkıtne b’İdlib.

 Atre mathlone d’Amerika d’nahiti li mditho d’Antiyuxiya Hatay mawdaclın dathın li fnitho laşan dımşayli cali sbutho lo tawto da gallwoye wa şuşote lo noşoye dkibın howın bi dukıthathe. Ba esore dhawilin cam mşale di mcadronutho da galwoye mawdaclın d’Amerika hadırtoyo dımcawno momunoyith bi sbutho da galwoye dkothın me İdlib me qumud du qrobo.

Bi maqırhonutho dhula Kelly Carft mırla u rişono d’Amerika Donald Trump mşadarlelan larke laşan dhozina me qariwo i aykanoyutho noşoyto u be bzabno dmawdcina dıgsındina Turkiya bi sbutho du snodo noşoyo.

Craft mırla ahna u talabeydan dhowe şalyuthzayno yawmo meqım me yawmoyo.

Bu zabno dkıtweyne atre mathlone Jems Jaffri dkıtyo u mathlono d’Amerika dilonoyo bi sbutho d’Suriya wi mathlonitho dilonoyto d’Amerika b’Emwotho Mhaydotho Kelly Kraft b’Hatay sımlın socurutho li xasra hreto da thume awkith l’İdlib u yatiwi a mşale da şutose di mcadronutho.

Bi sbuthathe mede dkıtyo ulsoyo atre mathlone d’Amerika lı sımlın maqırhonwotho siyasi xıdu mede dı Turkiya nıtrowa.