04/02/2021

A mawtbe du kanton d’Qamışli du qlimo di Gozarto mawdace kmibıc dmımhe darbo li tarmitho demoqratoyto da came

A mawtbe du kanton d’Qamışli du qlimo di Gozarto d’Bethnahrin d’Suriya, mawdaclın da bcelıdbobe di Mdabronutho yothoyto kımnasın bu darbo da swikaste dmohın darbo li tarmitho demoqratoyto da came.

 Ba buyone dıfrıslın a mawtbe du kanton d’Qamışli, b’qaşyutho krıhlın u swikast du rişono zawgoyo du mawtbo gawoyo d’Albasira b’Deyr Ezzor Saleh Alhazzac, u mawdaclın du gunhano hçomoyo mqabıl di şalyutho di fnitho.

 Farsufe mzayne dıkqılciwo motor, sımwolın ha bu yarhano hçomo calu rişono zawgoyo du mawtbo gawoyo d’Albasira bu madınho d’Deyr Ezzor Saleh Cabdulhsen Alhazzac dkıtwe bebzabno hadomo bu gabo du hethotho udi demoqratoyutho d’Suriya. Bi netiçe du hçomano, Alhazzac baroyo qtılwo.

Calu gunhano dsim wa gunhe hrene dıkmisomi mqabıl da caşıryotho Caraboye d’Deyr Ezzor, a mawtbe du kanton d’Qamışli mqadamlın a buyoyathe li iqartho d’Alhazzac, u makadlın da marhıbone kımnasın dfırsi zuctho beyn du camo di fnitho.

U buyono dıqre qum du benyono du mawtbo di mdito d’Qamışli, mawdacle bu zabno dkobın a came du garbiyo udu madınho d’Suriya ağuno leşan i hiruthathe, ubu zabno dıkmdawmi a Haylawotho d’Suriya Demoqratoyto bu qşoco da krılyotho d’Dacış, a bceldbobe di Mdabronutho yothoyto bu hçomathe calu rişono zawgoyo di qastra d’Albasira, kıbci dmohın darbo li tarmitho demoqratoyto da came.

U buyono dıfris, mawdacle’ste du swikast d’Saleh Alhazzac gunho hreno di marhıbonutho’yo, u bebzabno kımathıl ha ma gunhe da marhıbone du nişathe dımharhızi i mşaynutho di fnitho, u dfırsi i zuctho beyn du camo. Camgabıdathe, u mawtbo di Qamışli b’qaşyutho krıhle u qatlo d’Saleh Alhazzac, u makadle dgımdawım dmafıt la haye i tarmitho demoqratoyto da came hul dmitarkıwo i mşaynutho bu garbiyo ubu madınho d’Suriya.

Mxasra hreto, u mawtbo di qastra d’Tel Brak wu mawtbo di qastra d’Tel Hamis du kanton d’Qamışli, ba buyone dfrıslın krıhlın u swikast d’Saleh Alhazzac, u hulın şudoyo dgımdawmi u ağuno, u gıdfılhi leşan u şuşoto di Mdabronutho yothoyto.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…