04/02/2021

U athro du Swed kımnase dmofıq passaport lu vaksin di Corona

Bıthır me İsland u Danmark, ucdo u athro du Swedste kdorış amkone du tuyobo d’passaport du vaksin di Corona, bnişo dmitahwe aftho dmınfıq lğer athrawotho.

 İ wazırto du kenşo Lena Hallengren mawdacla, du Swedste kobıc mucdo lıkmo yarhe dımtayıb passaport di Corona.

U passaport dıfsıqla Danmark dımtaybole, kobe aftho lu camo dqodır d’yotıw b’resturang, dhodır ba konsere, ba wahde du spor u dnofıq lğer athrawotho. Ucdo u Swedste kobıc dımhalıx ba dawsat du athro şbobo u kımtayıb plan, leşan dsoyım tahwitho qonunoyto di Corona.

İ wazırto du kenşo Lena Hallengren kımawdıco, du Swed kobıc dmalız u dımtayıb u passportano di Corona lu zabno du qayto wu nişo, dmitawfıq u passportano bu zabno dgımawfıqo Danmark didayo. İ warqo dkımthabto du farsufo qayıthle i mhato du vaksin mqabıl di Corona, gıdmisomo digital leşan dqodır dnofıq lğer athrawotho.

Hallengren mırla; Huwlan wolitho l’3 şutose du athro, dmarkıwi struktur asasi leşan u passportano dşofıc bı britho kula.

Mucdo kito bu normal mkono, du farsufo dmoyıd warqo dkımthabto dmıdle u vaksin, elo kul athroste bşıkıl mşahlıfo kmoyıd isbuthathe li ido u lıkhozın garak, dmitawfıq passaport di Corona. U waziro di gawoyutho du Swed Mikael Damberg makadle, du Swed mabdele droşe caman athrawotho hrene leşan dımtayıb u passaportano.

Wu waziro du energi u du digitial Anders Ygemanste mırle; U nişaydan du passaportano dnofıq mucdo lıkmo yarheyo u bıthır mıd ftihi naqla hreto a thume beyn dan athrawotho, gıdmıjbır u farsufo dmahwe u passportayde du vaksin. U Swed heş mucdo ktolıb test negativ di Corona mu farsufo dkobıc dcobır lu athro.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…