A qalilotho du Daşto d’Ninwe sımme taglitho mqabıl di ithutho da hayle d’Haşd Al Şacbi

A comure wa galwoye da qalilotho frişe di daşto d’Ninve bu garbyo du Cıraq, sımlın protesto i ithutho da hayle Şica d’Haşd al Şacbi ban arcothathe.

 Mawdıc dba mowat dıbnaynoşo, layimi calu darbo beyn Mawsal u Nuhadra u sımlın protesto i ithutho da hayle Şica ba dukothathe a şerşoye.

Athmıl layım ba mowat dıbnaynoşo calu darbo beyn Mawsal u Nuhadra u sımlın protesto i ithutho da hayle Şica d’Haşd al Şacbi dıkmısnodi mu İran. Li taglithathe, mıştawtaflın a qalilotho d’Ninve-u camaydan, a Ezidoye, Şabak, Turkmanoye wa Sunna Caraboye. Ğer came’ste dhadiri bi taglithathe leşan dmahwın i klaytathe mqabıl da hayle Şica dkıtne ban arcothathe.

Bi taglithathe dsim mamle, a qalilotho’ste mhalaqe slogane u tlıbbe da hayle d’Haşd al Şacbi dnufqi ma qıryawotho uma mdinothathe bi daşto d’Ninve leşan dmitarkıw haye mşayne u mşawtıfe beyn da came frişe di fnitho u krıhlın u şuhlofo demoğrafoyo dıkmibıc dmisım.

Ba mamle dsimi mawdıc, da haylani latne mcadrone bu terkiwo di şalyutho ba dukotho dkıtwın meqım kbişe ma marhıbone d’Dacış u belhude zıttır kımahrıwi i aykanoyutho da came şerşoye di daşto d’Ninve u tlıbbe, dmitaklın a siyasat qaşye u tuhomonoye d’Haşd al Şacbi.

Yawme d’Arbco dı şafıcina’ste, sımwolın a galwoye da qalilothani taglitho qum du bınyono d’Emwotho Mhaydotho dkıtyo b’Arbil u tlıbwolın da hayle Şica dmatriki u dnufqi mi daşto d’Ninve. A haylani a Şica dıkmısnodi mu İran snıdwolın a hayle Cıraqoye bu ağuno mqabıl d’Dacış. Elo mu zabnawo uholucdo, fayışi bi daşto d’Ninve wa mtagliyone kımawdıci, dlıktorın da qalilotho ducri naqla hreto la botathe.

Ha man abne du camaydan d’Teleskof mırle; Ahna di daşto d’Ninve kubcina dcayşina bı şlomo. Cayşina harke ban alfayo d’eşne u Haşd al Şacbi kobıc ucdo dmakle u dcoraydan la dukothaydan a şerşoye. Kito’ste hın dlo kubci ducri, mi zuctho dkıtte me Haşd al Şacbi–dıkmaydi zuze menayna, dıkhutfi, dıkmıski u dıkmaşın rdufye mqabıl da came di daşto.