16/06/2021

A şutose d’MUB mtayabe u duxrono du Sayfo da 1915 bu athro d’Hollanda

A şutose du Mawtbo Umthoyo d’Bethnahrin d’Hollanda sımlın u duxrono du Sayfo di şato 1915.

Bebzabno, i marcitho d’Hollanda bi rişonutho d’Mor Polikarpos Awgin Aydin cama kohne u hadome da mawtbo da citawotho, sımlın u duxrono du Sayfo dıknofıl bu siqumo d’15 bu yarho d’Hzirin kul şato.

A şutose du mawtbo umthoyo d’Bethnahrin mabdewolın u duxrono du Sayfo bu bınyono Bethsuroyo b’Qatinto d’Şetqo u bıthır cam teşemşto da Sohde qmi qoyumto du Sayfo dkıtyo bu bınyonano.

Camgabe dmahatwo u dokumenter Zacqa dlo qolo, a hadire mahkelın mın klozım misim laiam u sayfo dmitaqbıl b’Britho.

Bi sagiyutho da mamle karixi hedor dmisim fulhone mşawtfe mu taraf da gabe şutoseo u citawotho du Cameydan.

U mathlono du mawtbo umthoyo d’Bethnahrin Yusuf buyukkahraman mqadamle u mamlo du mawtbo dcalu duxrono du Sayfo. Bu mamleyde kali cali yasifutho dkıtle u yawmano dkıtypo dilono du camo Suryoyo othuroyo.

Bıthır ma mamle huwo darbo lu Omuro Jusef gawriye dımqadamle mimre calu yawmano , u bebzano maşmıc mimro dımşadarwole Malofono Sabro Elicazar la hadire.

Lu duxronano mıştawtafwolın mathlone mi mtakasto Demoqaratoyto othuroyto u mu hudre Derik u mathlone me hın ma mawtbe da citawotho.

Cam gabe dathe i marcitho D’hollanda ste sımwola u duxrono du Sayfo bi dayro d’Mor Afrem d’Hollanda lguth a tadbire di kewo di corona.

Bu duxronano dmıştawtafllele a köhne u mathlone ma mawtbe da citawotho mqadım mamle cali ulsoyutho du yawmano du duxrono du Sayfo wu nfoqo du moro ele.

İ cito d’Mor Awgin ste bi rişonutho d’dayroyo Ablahad sımlın u duxrono du Sayfo 15 hzirirn.

Me gabo hreno u hudro Oromoyo b’Eneschde d’Hollanda sımwole u duxrono du Sayfo di şato da 1915. Bıthır mıd mqadım temeşeto da sohde bu bbınyono di cito d’Mor Yahkub bi rişonutho du kohno Besim hawi mazlo lu Park camoyo u tamo simi a mamle cali ulsoyutho du yawmano u cali macneyde.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…