16/07/2021

ADFA hadır bu konferans dsımwo b’Waşington d’Amerika

U şutoso d’ADFA dkıtyo bi rişonutho du gelyunoro şaryo Nuri Kino, hule mawdconutho cala fulhone dıkmaşın bu haqlo di mcadronutho u bebzabno mqadamle a talabathe leşan u snodo du cameydan du athro.

U mamlo wa talabani dhawile ADFA, mqadmi bu konferans dımşarewole 13 bu yarhano u dkamıl athmıl b’Waşington d’Amerika.

U konferansano dıkmisim b’Waşington dıklotamle şutose u folitiqore b’darğo celoyo kmıdroşi adyoşe dkowın mqabıl da tawdiyotho u da hiyoywotho tawdithoye.

Lu konferansano dıkmisim kul şato ADFA huwo ela zabno d’Şoctho du şutoso mahke cala mcadronwotho dıksoyım u bebzabno mqadamle a talabe dkıtle laşan u cameydan dıkhoye bsacbutho bu madınho mıscoyo.

Bu konferansano dkıtwo 80 tukose u şutose mşahılfe me britho hawi droşo cala haylawotho du cameydan du Mawtbo Fulhoyo Suryoyo MFS dımşayıl mu mathlono d’ADFA cala haylawothe folhoye du cameydan.

Bi mawdconutho dmıdlan mu rişono d’ADFA Nuri Kino mırle fsihoyewene dıqadiri mahkın cali aykanoyutho du cameydan qım da mathlone da tukose u be bzabno dkıtwo folitiqore bdarğo celoyo dkıtweyne hadire.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…