Ahayle d’Alhaşd Alşacbi grişi 5 kilomıtre mu daşto d’Ninwe

Bi netije da fulhone u du hboso dıksaymole Amerika laşan dmitarkıwo i şalyutho bi daşto d’Ninwe, u grub folhoyo da 30 d’Alhaşd Alşacbi du Iraq griş kımo kilomıtre lafu u tayımno da nuqazyothayde dkıtne bi daşto d’Ninwe.

 Ugrub folhoyo da 30 d’Alhaşd Alşacbi dkıtne ahadomayde Şica Şabakoye, grişi hamşo kilomıtre lafu tayımno da nuqazyothayde dkıtne b’Telısqof, bı Batnaya u b’Telkepe bi daşto d’Ninwe, wa hadome du grubano mşahılfe cam folhe mu gayso du Iraq.

U groşo da haylawotho d’Alhaşd Alşacbi athi luhwoyo bi netije da fulhone dıksaymolın Amerika laşan dmitarkıwo i mşaynutho bu Iraq bi methcadronutho di şultonutho du rişwazire Mustafa Alkazimi.

Bebzabno, u groşano athi luhwoyo bıthır mdımhalıq ışto soruhe mi daşto meqım kımo yawme cali mditho d’Arbil, wi şultonutho du qlimo d’Kurdistan thımwola ahaylawotho d’Alhaş Alşacbi bu hjomano dlımamtewole camruhe husrono.