Ahfuxye mqabıl d’Turkiya bi sbutho d’Libya kımdawmi

I mwatyutho wa maqırhonwotho mqabıl du cboro d’Turkiya l’Libya, kımdawmi me kul xasra.

 Bi maqırhonutho dhuwle u rişono d’Fransa Emmanuel Macron mırle; Turkiya kmıştacyo teştcınyo dkıtyo qento. Wu qentano gzomoyo lu qlimo kule.

 Bi maqırhonutho dhule u rişqutno d’Fransa Emanuel Macron bıthır mi lqayteyde dcamu rişqutno d’Tunus Kais Saied bi erişkoyto b’Paris mırle, i sbutho d’Libya lı kowe dhuyo duktho dı Turkiya mıştacyo qento wu qentano kmamte cam ruhe tahdid lu qlimo kule.

Bi maqırhonutheyde sımle sturyo u NATO u mırle en i sfitho d’Turkiya kmacjızo hıdo ma sfinotho d’Fransa u lıkmisim mede mqabıl kmifaşıq du NATO mati lu mawto du meho. Macron bu mamleyde mırle Turkiya kmıştacyo teştcınyo dkıtyo qento li qlimo kule bi sbutho d’Libya.

Bıthır mi maqırhonuthathe a mşale d’Turkiya mşarelın dobın funoyo lı Fransa. Elo me gabo hreno bu Mısır kımdawmi a maqırhonwotho dımqabıl d’Turkiya bi sbutho d’Libya, me gabo a mşale di şıltonutho ksaymo gzome, wu tbocofroso ksoyım sturye Turkiya dkıbco marwuho u ftakar di cuthmanoyutho.

Bıhır mi maqırhonutho qşitho dsımwole Abdullfatah Sisi dırmızwola  qrobo mqabıl d’Turkiya, u huyodo da caraboyeste klotım dmoyıd fusqono mqabıl d’Turkiya.