Ahfuxye mqabıl du fusqono d’Turkiya cal Ayasofya kımdawmi

A hfuxye dımqabıl du şuhlofo di cito d’Ayasofya l’Masığdo kımdawmi. Bi maqırhonutho dhule u mawtbo da citawotho du madınho mıscoyo mırle hano hjomo cali hirutho da tawdiyothoyo. Me gabo hreno u tukoso di kinutho du quyomo da buhone du madınho mıscoyoste rfıdle u şuhlofo di cito d’Ayasofya l’Masığdo di maşılmonutho.

Bi maqırhonutho dıfrisi mi notarrozutho du mawtbo da citawotho du madınho mıscoyo mırle: lfuth a qyome wa qonune u maşılmonwotho u medano latyo mede dmitaqbıl. Mawxa ksaymina qrayto l’Emwotho mhaydotho lu huyodo da athrawotho caraboye dmahwın klayto di cito d’Ayasofya dmıtroyo bi ithutho maktabzabnoyto, u dmıtroyo bi kinutho di hirutho di tawditho dkıtla, u dfayşo rımzo di hirutho tawdithoyto.

U mede dkıtyo qento bi sbuthathe du şuhlofo di cito l’Masığdo knofıq larwal mu knuşyo dhawiwo bayn lu Pappa Mor Fransis qamoyo u lu Şex Şerif Ahmed dmıtafaqwolın cali ahutho di mşihoyutho u di maşılmonutho, wa haye mşawtıfe bayn la maşılmone u la mşihoye.

Bu huthomo di maqırhonutho  i notrathrozutho du mawtbo da citawotho du madınho mıscoyo ksoyım qroyto la hayle dıbritho dı fayti li harake dmahti klayto mqabıl du fusqonano d’Turkiya, bdarbo dılo mitahırwi a esore knuşyoye mşawtıfe du kenşo dıkhoye b’Turkiya.

Me gabo hreno u tukoso di kinutho du quyomo da buhone du madınho mıscoyo. Bi mawdconutho dıfrısle krıhle u qedomo du rişqutno du athro Recep Tayip Erdoğan bi sbutho du şuhlofo di cito d’Ayasofya l’masığdo di maşılmonutho.

Bi mawdconutho dhule u malolo Zaydan Elqanayi mırle: bu şuhlofano dsımle Erdoğan mahwele i bcelıdbobutho dkıtle mqabıl da mşihoye, u lıkowe dmişahlıf citawotho l’masığde di maşılmonutho. Dilonoyith i citathe dkıtyo remzo maktabzabnoyto li mşihoyutho.

U tukoso mawdacle dıksoyım qrayto l’emwotho mhaydotho u lu huyodo d’Urifi  dmahto klayto mqabıl d’Turkiya u bebzabno fıthi i sbutho du qtolğenso da Armınoye u da came hrene lu droşo dhowe mawdyonutho ebe.