Almanya mşayacla sfitho lu yamo mescoyo

Almanya gdımşadro sfitho du qrobo lu yamo Mescoyo, leşan dsaymo u duyoqo du ambargo da zayne dmahıtwola Emwotho Mhaydotho calu athro d’Libya.

 Bi sfitathe d’Almanya dkıtyo ışma ‘Hamburg’, kitoste 250 folhe du yamo dgımcadri bu tuhqobo da cuqobani dıksoyım u Huyodo d’Urifi.

I wazirutho du sutoro d’Almanya mawdacla dgımşadro i sfithayda du qrobo Hamburg la thume du yamo Mescoyo, leşan dımcaqbi u zawco da sfinotho hrene ubebzabno wu embargo da zayne dmahıtwola Emwotho Mhaydotho cal Libya. I sfitatheste, kmıntır dmıtyo lu yamo Mescoyo bi şabtho dıbqamuthayna

Lfuth u ajans da tebe d’Almanya-DPA, u missyonano di sfitathe bu yamo Mescoyo, kibe dı xolıq qetro xıdu mede dhawiwo beyn cami sfitho d’Fransa dılo qayıthwola aftho dsaymo buhono cal sfitho Turkoyto dıktucnowa zayne la bnayqyomayda b’Libya.

Mawdıc di wolitho di sfittathe d’Almanya-Hamburg, dı sundo a cuqobe du Huyodo d’Urifi dmahıt ışmaye’İrini’. U nişo di kampanyathe d’Urifi, dımtahqıbo mıqa kmitabıq u embargo da zayne dmahıtla Emwotho Mhaydotho cal Libya u dmitakle u qrobo bu athroyo.

I sfitathe du qrobo Hamburg dkiba 250 folhe Almanoye, 143 metrowiye yarıxtoyo u kiba zayne u teknoloji frişo. Bu normal isfithathe gıdmişadrowa lu Oqyanuz du Hınd u lı Australia, elo mcal fothe di Corona mşahlıfi a fulhonayda.