Amerika grışla u zuhoro du Swed, calu mkono d’hçome marihbone
Amerika grışla u zuhoro du Swed, calu mkono dkibe dmisım hçome marhıbone bu athro xıd hfuxyo du tewqido du qurcan da Maşılmone. Amerika sımla bebzabno qroyto la bnaymothoyayda, dlo layimi ldukotho dkito ğalabe camo. U zuhorano d’Amerika fris bi dafo di rişizgadutho d’Amerika dkıtyo b’Stokholm du Swed.
Bu zabno d’Amerika grışla u zuhoro da bnaymothoyayda dkıtne larwal dlo layimi ldukotho dkito ğalabe camo, mawdacla’ste dkito qento dmisım hçome marhıbone bu Swed mi celtho du tewqido du qurcan. U zuhorano di mşaynutho dfris bi dafo di rişizgadutho d’Amerika bu Swed, tlib mu camo dımcaqıb a şuşote.
İ rişizgadutho d’Amerika mbahasla calu tloyo du hayif, u mawdacla du tewqido du qurcan da Mşılmone xlıqle hfuxye qaşye b’athrawotho frişe dbritho u calathe kito gzomo d’hçome marhıbone bu Swed. U malolo da hayle di mşaynutho du Swed’ste m’akadle, dmatilın u zuhorano d’Amerika.
A hayle di mşaynutho kımcaqbi a şuşotani me qariwo u mawdıc, da camle haroye xlıqlın qetro u kibın dhowın şeçoco l’gzomo. U darğo du gzomo d’hçomo marhıbono bu Swed hani eşne ba 3’yo bi lohitho dıkmişaklo me 5 darğe u hathe kuthyo li mıcne, du zuhoro qawyo’yo u dkito mkono dmisım hçomo.
U darğano heş ba 2010 mahıtwo elo beyn du yarho d’Teşrin u haroyo da 2015 uholu yarho d’Odor da 2016, macle’wo lan 4. Calu zuhorano d’Amerika’ste, i wazirutho di baroyutho du Swed labico dobo fuşoqo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
